टोखा केव स्विमिङपुल : गर्मीमा बच्चा देखी बृद्ध सम्मको प्रमुख गन्तब्व

साझा पाना २०८० जेठ २० गते १८:५५ मा प्रकाशित

टोखा । जेठ महिनामा पर्याप्त पानी नपरेका कारण काठमाडौं आसपास गर्मी बढेको छ । अधिक गर्मी बढेका कारण शहरका स्विमिङ पुलमा मानिसहरुको भीड लाग्न थालेको छ ।

गर्मीमा पौडीको वयानै गर्न नसकिने मज्जा हुने भएकाले धेरै मानिसहरुको दिन कटाउने थलो स्विमिङ्ग पुललाई बनाउन थालेका छन् । कतिपय युवा साँझ परेपछि दुई घण्टासम्म स्विमिङ खेल्ने गरेको बताउँछन् ।

बढ्दो गर्मीका कारण पौडी पारखी बनेर तीन बर्षका बालकदेखि ६० बर्षीय जेष्ठ नागरिकसम्मलाई एउटै स्विमिङ्ग पुलमा भेट्न सकिन्छ । कतिपयले पौडी शौख र फेसनजस्तो बन्दै गएको अनुभूति सुनाउने गरेका छन् । कोही एकपटकका लागि भनेर पौडी खेल्न गएकाहरु पनि पौडीका अम्मली बनेका छन् ।

‘गर्मीमा एक दिन पौडी खेलिएन भने मलाई छटपटी हुन्छ, रातमा निद्रा नपरेजस्तो अनुभव हुने गरेको छ’ टोखा धापासीका गोपाल भण्डारी आफूलाई लागेको लत सुनाए ।

त्यस्तै टोखा २ का रोशन डंगोल केही दिनयता बढेको गर्मी छल्न स्विमिङ्गको साहारा लिँदै आएका छन् । उनी भन्छन् ‘यो उर्खरमलो गर्मीको सिजनमा पौडी जीवनको दैनिकी बनेको छ । पौडी गर्मी छल्ने उपाय मात्रै नभएर शरीरलाई स्वस्थ्य राख्ने माध्यमसमेतका भएको बताए ।

युवायुवतीको जमात टोखा भुतखेलमा रहेको टोखा केव स्विमिङ्गमा जम्ने गरेका छन् ।
पौडीमा रमाउने ४ वर्ष बालबालिकादेखि ५० वर्षसम्मका भेटिन्छन् । टोखा केवका संचालक प्रसान्त डंगोलका अनुसार त्यहाँ ‘बिदाका दिन १ सय देखि २ सयजना स्विमिङ्ग खेल्न आउँछन् ।

हाल यो बालबालिका देखि युवाको लागि राम्रो गन्तव्य बन्न पुगको छ । फराकीलो क्षेत्रफलमा फैलिएको पार्कभित्र अग्लो स्थानबाट पानीसँगै चिप्लेटी खेल्न पाइने स्पाइसी पुलजस्ता रोमाञ्चक खेलहरू खेल्न सकिन्छ ।