हिउँले सेताम्ये महाभारत

साझा पाना २०७५ फागुन ३ गते ०८:४१ मा प्रकाशित

काभ्रेपलाञ्चोक/ढुंखर्क महाभारत क्षेत्रमा यस वर्षको सबैभन्दा बढी हिउँ परेको छ । २३ पुस पछि शनिवार महाभारत क्षेत्र हिउँले सेताम्ये भएपछि यस क्षेत्रमा आएका पर्यटकहरु हिउँसंगै रमाएका छन् । हिउँ परेपछि कृषकहरु पनि मौसम राम्रो भएर अन्न अनाजको राम्रो उत्पादन हुने भएकोले खुसी छन् ।

हिउँमा खेल्न काभ्रे ढुंखर्कको माउण्ट महाभारत होमस्टे र महाभारत लेकतर्फ जाने पर्यटकहरुको चाप बढेको छ । विभिन्न ठाउँबाट फुलचोकी लगायत काभ्रेको अग्ला स्थानहरुमा पुग्नेको संख्या बढेको छ । हिउँ खेल्न बालबालिका देखि बृद्ध र स्वदेशी देखि विदेशी पर्यटकहरु अग्ला स्थानतिर पुगेका थिए । शनिवार परेको हिउँ महाभारत क्षेत्रमा १ हप्तादेखि १५ दिनसम्म रहने महाभारत रिसोर्ट काभ्रेका संचालक कमल नेपाल बताउनुहुन्छ ।

क्याटेगोरी : विशेष
ट्याग : #महाभारत