नेपाल मानवअधिकार संगठनको टोलि रुकुम पुग्यो ,घटनाको सत्यतथ्य छानबिन गरि छिट्टै प्रतिवेदन तयार पारीने

साझा पाना २०७७ जेठ २३ गते ०९:१९ मा प्रकाशित

२३ जेठ २०७७, शुक्रबार

रुकुम पश्चिम । चौरजहारी नगरपालिका ८ सोतिमा जेठ १० गते भएको सोती घटनाको सत्य तथ्य र निष्पक्ष छानविन स्थलगत अनुगमन र अनुसन्धानका लागि नेपाल मानवअधिकार संगठनको एक टोलि रुकुम पश्चिम चौरजहारी र जाजरकोटमा पुगेको छ ।

नेपाल मानवअधिकार संगठनका अध्यक्ष श्री महामुनिश्वर आचार्यका नेतृत्वमा पुगेको उक्त टोलीले तेहाँको सिडियो कार्यलय, प्रहरी चौकी लगायतका स्थलहरुमा सोधपुछ र निष्पक्ष छानवीनको माग गरेको छ।

संगठनले घटनाको सत्यतथ्य छानबिन गरिरहेको र छिट्टै प्रतिवेदन तयार पारी सार्बजनिक गर्ने तयारी समेत गरेको बताएको छ । छानविनको क्रममा “हामीले मृतक पक्ष, सोती गाउँका बासिन्दा, केटीका परिवार तथा आफन्त, अधिकारकर्मी, दुवै जिल्लाका सुरक्षा निकाय, पत्रकारलगायतहरुसँग छलफल गरी घटनाको सूक्ष्म तरिकाले अनुसन्धान गरिरहेको

मानवअधिकार संगठनका अध्यक्ष महामुनिश्वर आचार्यले साझापानालाई बताए ।

मानवअधिकारको गम्भीर उलङ्धन भएको यस घटनाका दोषीलाई कार्वाहीको दायरामा ल्याउने प्रयास स्वरुप संगठनले आफैं अनुसन्धान सुरुवात गरेकोे हो।