काँग्रेसमा सर्वाधिक मत प्राप्त गर्ने को हुन् मुक्ताकुमारी यादव ?

साझा पाना २०७८ पुस ७ गते १०:२५ मा प्रकाशित

काठमाडौँ, ६ पुस । नेपाली काँग्रेसको १४ औँ महाधिवेशनले १३ पदाधिकारीसहित ८८ जना केन्द्रीय सदस्य निर्वाचित गरेको छ ।

जसमध्ये रमेश रिजाल र आनन्द ढुंगाना निर्विरोध चयन भएका हुन् भने बाँकी सबै निर्वाचनबाट विजयी बनेका हुन् ।

यस महाधिवेशनमा मुक्ताकुमारी यादव सबैभन्दा धेरै मत प्राप्त गरेर मधेसी महिला आरक्षणबाट केन्द्रीय सदस्यमा निर्वाचित भइन् । १२ र औँ र १३ औँ महाधिवेशनमा पराजित उनी यसपटक सर्वाधिक मत प्राप्त गर्न सफल बनिन् ।

महिला मधेसीतर्फ चार केन्द्रीय सदस्यका लागि पाँच जना प्रतिस्पर्धामा थिए ।

यादवले ३९६० मत पाएकी छन् । यसअघि खुला ३५ तर्फ केन्द्रीय सदस्यमा निर्वाचित पूर्वमहामन्त्री डा. शशांक कोइरालाले ३८३६ मत ल्याएका थिए । तर यादवले कोइरालाको भन्दा १२४ मत बढी ल्याएकी हुन् ।

शशांक कोइरालाभन्दा अधिक मत ल्याउने को हुन् यादव ?

२०३४ भदौ १३ गते महोत्तरीमा जन्मिएकी यादव वि. सं. २०५३ देखि निरन्तर राजनीतिमा सक्रिय छिन् ।

यसअघि यादव दोस्रो संविधान सभामा समानुपातिक सांसद थिइन् भने अहिले राष्ट्रिय सभा सदस्य छिन् ।

क्याटेगोरी : राजनीति
ट्याग : #मुक्ताकुमारी यादव