टोखा नगरपालिका र शहिद गंगालाल राष्ट्रिय हृदय केन्द्र बीच सम्झौता पत्रमा हस्ताक्षर

साझा पाना २०८१ चैत्र २१ गते १६:१६ मा प्रकाशित

टोखा, १७ चैत २०८१ – टोखा नगरपालिका र शहिद गंगालाल राष्ट्रिय हृदय केन्द्रका बीच एक महत्वपूर्ण सम्झौतामा हस्ताक्षर गरिएको छ। यस सम्झौतामा नगरपालिका प्रमुख श्री प्रकाश अधिकारी र शहिद गंगालाल केन्द्रका कार्यकारी निर्देशक डा. रवि मल्ल बीच समझदारीका साथ सम्पन्न भएको हो।

सम्झौताअनुसार, टोखा नगरपालिका द्रारा नगरका असहाय र विपन्न वर्गका बासिन्दाहरुलाई मुटु सम्बन्धि जटिल रोगका लागि उपचारमा सहुलियत प्रदान गर्न २५,००० देखि ५०,००० सम्मको आर्थिक सहयोग उपलब्ध गरिनेछ। यसका लागि नगरपालिका ले १० लाख रुपैयाँको बजेट शहिद गंगालाल हृदय केन्द्रलाई उपलब्ध गराएको प्रवक्ता बच्चु बस्यालले बताउनुभयो ।

कार्यक्रमको उद्देश्य भनेको नगरवासीलाई उच्च गुणस्तरीय स्वास्थ्य सेवा प्रदान गर्दै, विशेष गरी मुटुका रोगीहरूको उपचार सुनिश्चित गर्नु हो। यो पाइलट प्रोजेक्टको रूपमा लागू गरिने भएकोले, नगर प्रमुखले यसलाई प्रभावकारी बनाउँदै, आगामी दिनमा यसको परिष्कृत र विस्तार गर्ने योजनाको कुरा पनि व्यक्त गर्नुभएको छ।

सम्झौतामा नगर प्रमुख, उपप्रमुख श्री मुरारी तमाङ्ग, प्रमुख प्रशासकीय अधिकृत श्री शेर बहादुर वि. सी. लगायत सम्पूर्ण वडाअध्यक्ष र कार्यपालिका सदस्यहरूको उपस्थिति रहेको थियो।

टोखा नगरपालिका, यस महत्त्वपूर्ण स्वास्थ्य साझेदारीसँग जनस्वास्थ्यका क्षेत्रमा एक नयाँ चरणमा प्रवेश गर्ने तयारीमा छ।