बाहिरियो ७ अर्ब ४६ करोड रुपैयाँ जीवन बीमा कम्पनीबाट

साझा पाना २०८१ माघ १५ गते १५:२९ मा प्रकाशित

काठमाडौं । चालू आर्थिक वर्षको छ महिनामा बीमा कम्पनीहरूबाट ७ अर्ब रुपैयाँ भन्दा बढी बाहिरिएको छ । बीमा पोलिसी सरेण्डर मार्फत चालू आवको साउनदेखि पुस मसान्तसम्म जीवन बीमा कम्पनीहरूबाट ७ अर्ब ४६ करोड ६६ लाख रुपैयाँ बाहिरिएको हो ।

नेपाल बीमा प्राधिकरणका अनुसार यस अवधिमा ५४ हजार ४१४ जना बिमितले पोलिसी सरेण्डर गरेका हुन् । यस अवधिमा लाइफ इन्स्योरेन्स कर्पोरेशन ९नेपाल० लिमिटेडको सबैभन्दा धेरै पोलिसी सरेण्डर भएको छ । यस कम्पनीको १३ हजार ९६८ वटा पोलिसी बापतको २ अर्ब ३८ करोड ५९ लाख रुपैयाँ बराबरको पोलिसी सरेण्डर भएको छ ।

सर्वाधिक पोलिसी सरेण्डर हुने कम्पनीहरूको दोस्रोमा नेपाल लाइफ इन्स्योरेन्स कम्पनी रहेको छ । यस कम्पनीको १२ हजार २४१ वटा पोलिसी बापतको २ अर्ब २ करोड ३३ लाख रुपैयाँ बराबरको सरेण्डर भएको छ ।

प्राधिकरणको अनुसार चालू आवको छ महिनामा राष्ट्रिय जीवन बीमा कम्पनीको ६७ करोड ६ लाख रुपैयाँ बराबरको पोलिसी सरेण्डर हुँदा नेशनल लाइफ इन्स्योरेन्सको ४६ करोड ५१ लाख रुपैयाँको सरेण्डर भएको छ । यसका साथै मेट लाइफको १९ करोड ६६ लाख र एशियन लाइफ इन्स्योरेन्स कम्पनीको ४६ करोड ८१ लाख रुपैयाँ बराबरको पोलिसी सरेण्डर भएको छ ।

आइएमई लाइफ इन्स्योरेन्स कम्पनीबाट ९ करोड ८६ लाख रुपैयाँ बराबरको पोलिसी सरेण्डर हुँदा हिमालयन लाइफ इन्स्योरेन्स कम्पनीको ३३ करोड २३ लाखको भएको छ । यसका साथै सुर्यज्योती लाइफ इन्स्योरेन्स कम्पनीको ३८ करोड ९४ लाख, सानिमा रिलायन्स लाइफ इन्स्योरेन्स कम्पनीको १३ करोड १२ लाख र सिटिजन लाइफ इन्स्योरेन्स कम्पनीको ११ करोड ५८ लाख बराबरको पोलिसी सरेण्डर भएको छ ।

त्यस्तै, यस अवधिमा प्रभु महालक्ष्मी लाइफ इन्स्योरेन्स कम्पनीको ९ करोड ८२ बराबरको सरेण्डर भएको छ । यस अवधिमा रिलायबल नेपाल लाइफ इन्स्योरेन्स कम्पनीको ५ करोड ५६ लाख र सन नेपाल लाइफ इन्स्योरेन्स कम्पनीको ३ करोड ५२ लाख रुपैयाँ बराबरको बीमा पोलिसी सरेण्डर भएको छ ।

क्याटेगोरी : समाचार
ट्याग : #बाहिरियो ७ अर्ब ४६ करोड रुपैयाँ जीवन बीमा कम्पनीबाट