पर्यटन प्रवर्धनका लागि असोज १७ मा खांदबारी रन हुने

साझा पाना २०८१ असोज ५ गते १६:१५ मा प्रकाशित

खांदबारी । संखुवासभाको खांदबारीमा स्थानीय खाँदबारी युथ क्लबले पर्यटन प्रवर्धनका लागि असोज १७ मा खुल्ला खाँदबारी रन आयोजना गर्ने भएको छ ।

आयोजक खांदबारी युथ क्लबका महासचिव सुरेन शाक्यका अनुसार दशैको अवशरमा विभागीय, खुल्ला पुरुष र महिला दौड प्रतियोगिता गर्ने भएको हो ।

बिभागीय टिमका सहभागीले १० किलोमिटर दुरी पार गर्नु पर्ने छ । खुल्ला तर्फका पुरुष र महिला धावकले ६ किलोमिटर दुरी पार गर्नु पर्छ । दौड प्रतियोगिता ३ बिधामा हुने क्लबका महासचिव शाक्यले बताउनुभयो । सबै बिधाका सहभागी १८ बर्ष माथिका हुनु पर्ने छ ।

हरेक विधाका विजेताले दश हजार, उपविजेताले सात हजार र तेस्रो हुनेले पाँच हजार पुरस्कार पाउने महासचिव शाक्यले जानकारी दिनुभयो ।

—-

क्याटेगोरी : समाचार, खेलकुद
ट्याग : #खांदबारी युथ क्लब, #खांदबारी रन, #खेलकुद, #संखुवासभा