काठमाडौ । ऊर्जा, जलस्रोत तथा सिँचाइमन्त्री दीपक खड्काले अरुण तेस्रो जलविद्युत् आयोजनालाई चाँडो सम्पन्न गर्न आग्रह गर्नुभएको छ ।

 अरुण तेस्रो जलविद्युत् आयोजनाका पदाधिकारीलाई आज मन्त्रालयमा बोलाएर उक्त आयोजनामा भएको ढिलासुस्तीलाई चाँडो सम्बोधन गर्न आग्रह गर्नुभएको हो ।

सङ्खुवासभाबाट निर्वाचित सांसद समेत रहनुभएका मन्त्री खड्काले उक्त आयोजना चाँडो निर्माण भएमा सङ्खुवासभा लगायत पूर्वी जिल्लाको विकासले गति लिने विश्वास व्यक्त गर्नुभयो ।

मन्त्री खड्काले १० वर्षमा २८ हजार पाँच सय मेगावाट विद्युत् उत्पादन गर्ने लक्ष्य सरकारले राखेकाले उक्त लक्ष्यलाई पूरा गर्न यस्ता आयोजनालाई समयमै सम्पन्न गर्नुपर्ने बताउनुभयो । ऊर्जामन्त्री खड्काले परियोजना निर्माणका क्रममा देखिएका समस्यालाई समाधान गर्न सरकारले पहल गर्ने  समेत बताउनुभयो।

क्याटेगोरी : समाचार
ट्याग : #breaking, #अरुण तेश्रो, #आयोजना निर्माण, #उर्जा मन्त्रालय, #उर्जामन्त्री दिपक खड्का

---

---

---