पहिरो पिडित परिवारलाई न्यानो कपडा बितरण

साझा पाना २०८० पुस १५ गते १७:१० मा प्रकाशित

खांदबारी – संखुवासभाको खाँदबारी नगरपालिका –७ स्थित भैरे डाडाँमा अस्थायी टहरामा बस्दै आएका पहिरो पीडित विपन्न अल्पसंख्यक परिवारलाई न्यानो कपडा (ब्लयाङ्केट) वितरण गरिएको छ । शनिबार जिल्ला प्रहरी कार्यालय संखुवासभा र गोर्खा पिस फाउण्डेसन (नेपाल-यूके) को सहकार्यमा पहिरो पीडित विपन्न १० परिवारलाई न्यानो कपडा वितरण गरिएको हो ।
खाँदबारी नगरपालिका –७ स्थित भैरे डाडाँमा अस्थायी टहरामा बस्दै आएका पहिरो पीडित विपन्न अल्पसंख्यक १० परिवारलाई न्यानो कपडा (ब्लयाङ्केट) वितरण गरिएको जिल्ला प्रहरी कार्यालय संखुवासभाका डिएसपी घनश्याम श्रेष्ठले जानकारी दिनुभयो ।

जाडो बढेपछि पहिरोबाट विस्थापित विपन्न परिवारका वृद्धवृद्धाहरुलाई ब्लयाङ्केट वितरण गरिएको डिएसपी श्रेष्ठले बताउनुभयो। जिल्ला प्रहरी कार्यालयले जिल्लाका समुदायमा प्रहरी साझेदारी सुरक्षा सुनिस्चिता कार्यक्रम सञ्चालन गरिरहेको छ ।

जाडो समयमाकष्टकर जीवनयापन गरिरहेका विपन्न परिवारलाई राहत स्वरुप न्यानो कपडा (ब्लयाङ्केट) वितरण गरिएको गोर्खा पिस फाउण्डेसन (नेपाल-यूके) का निर्देशक प्रेम संजय लिम्बुले बताउनुभयो । गोर्खा पिस फाउण्डेसनले पहिरो पीडितलाई खानेपानीका लागि समेत सहयोग सहकार्य गर्न तयार रहेको गोर्खा पिस फाउण्डेसनका निर्देशक लिम्बुले बताउनुभयो । गोर्खा पिस फाउण्डेसनले संखुवासभा लगात विभिन्न जिल्लामा सामाजिक कार्य गर्दै आएको छ ।

सिलिचोङ गाउँपालिका –१ बेसिन्दाका ५५ परिवारलाई खाँदबारी नगरपालिका–७ स्थित भैरे डाँडामा राखिएको छ । पहिरो पीडितको आवास निर्माण सम्पन्न नहुदाँ अस्थायी टहरामा बस्दै आएका छन् ।

क्याटेगोरी : समाचार, समाज
ट्याग : #गोर्खा पिस फाउण्डेसन (नेपाल-यूके), #जिल्ला प्रहरी संखुवासभा, #पहिरो पिडितलाई कपडा बितरण, #संखुवासभा