१५ मंसिर, काठमाडौं । शिवम् सिमेन्ट्सको करिब ८५ प्रतिशत सेयर लगानी रहेको सहायक कम्पनी शिवम् होल्डिङ्सको पनि सेयर जारी हुने भएको छ ।

होल्डिङ्सको जारी पूँजी ५ अर्ब ८० करोड रुपैयाँको २० प्रतिशत रकम बराबरको १ करोड २६ लाख कित्ता सेयर जारी हुने भएको हो । कम्पनीले अंकित मूल्य १ सयमा केही प्रिमियम थपेर सेयर जारी गर्ने जनाएको छ ।

सेयर निस्कासनका लागि सिद्धार्थ क्यापिटलसँग बिक्री प्रवन्धक नियुक्तिसम्बन्धी सम्झौता भएको कम्पनीले जनाएको छ । कम्पनीका अध्यक्ष शिवरतन शारदाको उपस्थितिमा सम्झौता भएको हो ।

शिवम् होल्डिङ्स २०७१ सालमा प्राइभेट कम्पनीका रुपमा दर्ता भएकोमा २०७९ सालमा पब्लिक लिमिटेडमा रुपान्तरण भएको थियो ।

क्याटेगोरी : अर्थ, समाचार

---

---

---