काठमाडौं, २६ भदौ । संविधान सभाका अध्यक्ष सुवासचन्द्र नेम्वाङको अन्त्येष्टि आगामी बिहीबार बिहान ११ बजे गरिने भएको छ ।

नेकपा एमालेका उपाध्यक्ष एवम् संसदीय दलका उपनेता समेत रहेका नेम्वाङको पार्थिव शरीरलाई आज बेलुकी ५ बजेसम्म र भोलि बिहान ९ बजेदेखि दिउँसो १ बजेसम्म श्रद्धाञ्जलीका लागि पार्टी कार्यालय च्यासलमा राखिने भएको छ ।

नेम्वाङको अन्त्येष्टिका दिन सरकारले सार्वजनिक विदा दिने निर्णय गरेको छ । आज बिहान बसेको मन्त्रिपरिषदको बैठकले नेम्वाङको निधनप्रति दुस्ख व्यक्त गर्दै अन्त्येष्टिका दिन सार्वजनिक विदा दिने निर्णय गरेको हो ।

यस्तै, सरकारले राजकीय सम्मानका साथ उहाँको अन्त्येष्टि गर्ने निर्णय पनि गरेको छ ।

नेम्वाङका दुबै छोरा विदेशबाट फर्किने क्रममा रहेकाले उनको अन्तिम संस्कार बिहीबार गर्न लागिएको हो । उनको सोमबार राति हृदयघातका कारण घरमै निधन भएको थियो ।

क्याटेगोरी : समाचार
ट्याग : #breaking, #सुवासचन्द्र नेम्वाङ

---

---

---