स्थानीय तहले जताभाबी निर्माणको लाईसेन्स बितरण गर्दा दुरुपयोग बढ्यो : अध्यक्ष सिह

साझा पाना २०८० भदौ २६ गते ००:४८ मा प्रकाशित

संखुवासभा । नेपाल निर्माण व्यवसायी महासंघका अध्यक्ष रवि सिंहले स्थानीय तहले जथाभावी लाईसेन्स वितरण गर्दा दुरुपयोग बढेको बताएका छन् । स्थानीय तहले राजश्व संकलनको नाममा जथाभावी लाईसेन्स वितरण गरेको उहाँले बताउनुभयो । निर्माण व्यवसायी संघ संखुवासभाको १६ औ जिल्ला अबिधेसन उद्घाटनका क्रममा उहाँले स्थानीय तहमा राजश्व संकलन हुन्छ भनेर निर्माणको लाईसेन्स वितरण नर्गन आग्रह गर्नुभयो । साना निर्माण व्यवसायीले जिम्मा लिएको काम गर्न नसकेपछि ठूला व्यवसायीले समेत गाली खानु परेको उहाँले बताउनुभयो ।

कतिपय स्थानीय तहमा आफन्त नाममा पनि जवरजस्ती लाईसेन्स निकालेको उहाँले आरोप लगाउनुभयो । सिंहले निर्माणको लाईसेन्स जारी हुनासाथ २ करोड सम्मका काम तुरुन्तै पाईहाल्ने भएकाले पनि हरेक जिल्लामा लाईसेन्स लिनेको संख्या धेरै हुदै गएको बताउनुभयो । निर्माण व्यवसायीले काम गर्न सकेनन् भन्ने आरोप एकोहोरो लाग्ने गरेको अध्यक्ष सिहले बताउनुभयो । सरकारले काम गरेको रकम भुक्तानी नदिँदा पनि कामको गति कम भएको उँहाको भनाई छ । कामको भूक्तानी समयमै भए तोकिएको समयमा निर्माण व्यवसायीले काम गर्ने उँहाले बताउनुभयो । संखुवासभामा मात्रै २ सय बढी निर्माण व्यवसायी कार्यरत छन् । खाँदबारीमा जारी अधिबेशनले आगामी ४ बर्षका लागि नयाँ नेतृत्व समेत चयन गर्ने छ ।