राहत र उद्धार युद्ध स्तरमा–प्रधानमन्त्री दाहाल (भिडियो सहित)

सुजन बज्राचार्य २०८० असार ४ गते १७:५१ मा प्रकाशित

संखुवासभा– प्रधानमन्त्री पुष्पकमल दाहालले युद्ध स्तरमा राहत र उद्धारको काम गर्ने बताएका छन् । सेनाको हेलिकप्टरबाट बाढीग्रस्त क्षेत्र सोमबार आईपुगेका प्रधानमन्त्री दाहालले बाढी र पहिलारोले संखवासभा, ताप्लेजुंग र पाँचथरमा ठूलो क्षति पारेको बताए ।

उनले उद्धार र राहतको काममा कुनै कसर बाँकी नराख्ने पनि बताए । दाहालले बाढी र पहिरो प्रभावीत विस्थापितलाई पुृनस्थापना गर्ने, घरबारविहीनको तत्काल स्थानान्तरण र आवासको व्यवस्था मिलाउने पनि बताए । उनले बाढीले बगाएका पक्कि पुलमा बेलीव्रिज बनाउने र आवतजावत सहज बनाउने बताएका छन् । तीन वटै जिल्लामा भएको क्षतिको विवरण हेरेर सरकारले नयाँ कार्यक्रम ल्याउने पनि उनले बताए ।

अविरल वर्षाका कारण आएको बाढीपहिरोमा परी संखुवासभामा १ जनाको मृत्यु भएको छ भने २१ जना बेपत्ता भएका छन् । प्रधानमन्त्री दाहालले उद्धार, राहतसँगै बेपत्ता भएकाहरूको खोजी कार्यमा जिल्लाका सबै सरकारी संयन्त्रलाई निर्देशन दिएका छन् ।