ललितकला क्षेत्रको प्रवर्द्धन गर्न आवश्यक पहल थाल्छु : प्रधानमन्त्री दाहाल

साझा पाना २०७९ माघ १९ गते १२:२७ मा प्रकाशित

काठमाडौं । प्रधानमन्त्री पुष्पकमल दाहाल ‘प्रचण्ड’ले सरकार ललितकलाको प्रवर्द्धन गर्न तत्पर रहेको बताएका छन्।

काठमाडौंमा आयोजित कार्यक्रममा प्रधानमन्त्री प्रचण्डले ललितकलाको क्षेत्रमा नेपालले उल्लेखनीय प्रगति गरेको भन्दै त्यसलाई निरन्तरता दिन आवश्यक रहेको बताएका हुन्।

प्रचण्डले भने, ‘तपाईंहरुले ललितकलाको क्षेत्रमा नेपालभित्र र देशबाहिर महत्त्वपूर्ण भूमिका खेल्नुभएको छ। ललितकलाको प्रवर्द्धन आवश्यक छ। राष्ट्रले तपाईंहरुको योगदान कदर गर्नेछ। ’

प्रचण्डले भने, ‘ललितकला प्रतिष्ठानलाई अघि बढाउन मैले के गर्नु पर्छ ? लिखित रुपमा आउनुहोला। म आफ्नो ठाउँबाट गर्ने आवश्यक सहयोग गर्छु।’

क्याटेगोरी : समाचार
ट्याग : #पुष्पकमल दाहाल प्रचण्ड, #प्रधानमन्त्री