पोखरा । गण्डकी प्रदेशसभाको उपसभामुखमा नेकपा एमालेकी सांसद विनाकुमारी थापा निर्वाचित हुनुभएको छ ।
संविधानको धारा १८२ र प्रदेशसभा नियमावली ९ अनुसार थापा गण्डकी प्रदेश सभाको उपसभामुख पदमा ३२ मत प्राप्त गर्दै निर्वाचित हुनुभएको हो । सोमबार बसेको गण्डकी प्रदेश सभा बैठकमा उपसभामुखका लागि भएको निर्वाचनमा थापाको पक्षमा ३२ र विपक्षमा २६ मत परेको छ । बागलुङकी थापा समानुपातिक प्रणालीबाट गण्डकी प्रदेश सभा सदस्यमा निर्वाचित हुनुभएको थियो।
थापाको पक्षमा एमालेका २२, माओवादी केन्द्रका ७, राप्रपाका २ र स्वतन्त्र सांसद १ गरी ३२ जना सांसदले मतदान गर्नुभयो । गण्डकी प्रदेश सभाको उपसभामुखको लागि काँग्रेस सांसद पार्वती तामाङले पनि उम्मेदवारी दिनुभएको थियो ।
तपाईको कमेन्ट लेख्नुहोस्