नदी दोहन विरुद्ध आक्रमक बन्दै टाँडीका (डिएसपी) रेग्मी : ४३५ ट्याक्टर नदीजन्य पदार्थ नियन्त्रणमा

साझा पाना २०७९ पुस २० गते २०:५६ मा प्रकाशित

चितवन । चितवनमा प्रहरीले अवैध रुपमा नदीजन्य सामाग्री उत्खनन गरी चोरी निकासी गर्ने सवारीसाधनलाई भटाभट नियन्त्रणमा लिएको छ ।

जिल्ला प्रहरी कार्यालय चितवनका प्रहरी प्रमुख (एसपी) नवराज अधिकारीको निर्देशनमा ईलाका प्रहरी कार्यालय रत्ननगरले रत्ननगर नगरपालिकाको वडा नम्बर ३ स्थित बाट नदीजन्य पदार्थहरुको उत्खनन गर्दै गरेको अवस्थामा एउटा जेसिबी, ६ वटा टिपर, पाँच वटा ट्याक्टर र अबैध रुपमा डम्पिङ गरी राखिएको ४३५ ट्याक्टर नदीजन्य पदार्थसहित नियन्त्रणमा लिएको जनाएको छ ।

जिल्ला प्रहरी कार्यालय, चितवनले दिएको जानकारी अनुसार हिजो (मंगलबार) पनि ईलाका प्रहरी कार्यालय टाँडी र ईलाका प्रहरी कार्यालय खैरहनीबाट अवैध रुपमा उत्खनन तथा चोरी निकासी गरिरहेको अवस्थामा एउटा जेसिबी सहित ६ वटा ट्रिपर नियन्त्रणमा लिईएको थियो ।

प्राकृतिक श्रोतको अबैध दोहन भइरहेको भन्ने सूचनाको आधारमा जिल्ला प्रहरी कार्यालय चितवनका प्रहरी प्रमुख नवराज अधिकारीको निर्देशनमा ईलाका प्रहरी कार्यालय टाँडीबाट प्रहरी प्रमुख रबिनबाबु रेग्मी आफैं फिल्डमा खटी सो, सवारीसाधन नियन्त्रणमा लिइएको हो । उनलेे यो अभियान निरन्तर रहने बताए ।

पछिल्लो समय जिल्ला प्रहरी कार्यालय चितवनले खोलानालाबाट हुने चोरी निकासी रोक्न मातहतका प्रहरी कार्यालयलाई निर्देशन दिएसंगै यस क्षेत्रमा हुँदै आएको नदीजन्य पदार्थ उत्खनन् ठप्प भएको छ भने लुकिछिपी चोरी निकासी गर्दै आइरहेको सवारीसाधन समेत भटाभट नियन्त्रणमा आइरहेको छ ।

क्याटेगोरी : अपराध/सुरक्षा, ब्रेकिंग न्युज, विशेष, देश परदेश, समाचार, स्थानीय