प्रधानमन्त्री र निर्वाचन आयोगका पदाधिकारीहरूबीच छलफल

साझा पाना २०७९ पुस १८ गते ११:४४ मा प्रकाशित

काठमाडौं । प्रधानमन्त्री पुष्पकमल दाहाल ‘प्रचण्ड’ले निर्वाचन आयोगका पदाधिकारीहरूसँग छलफल गरेका छन् । प्रधानमन्त्री प्रचण्डले आयोग पदाधिकारीहरुसँग हालै सम्पन्न चुनावको समीक्षा लगायतका विषयमा छलफल गरेका हुन् । छलफल प्रधानमन्त्री निवास बालुवाटारमा भएको हो ।

यसैगरी, राष्ट्रपति, उपराष्ट्रपतिको निर्वाचन लगायत विषयमा पनि प्रधानमन्त्री र आयोग पदाधिकारीबीच छलफल भएको छ । छलफलमा सरकारका तर्फबाट प्रधानमन्त्री प्रचण्डका साथै उपप्रधान एवं अर्थमन्त्री विष्णु पौडेल, उपप्रधान एवं गृहमन्त्री रवि लामिछाने लगायत सहभागी थिए।

यसैगरी आयोगका तर्फबाट भने प्रमुख निर्वाचन आयुक्त दिनेश थपलिया, आयुक्तहरूलगायत सहभागी छन् । प्रधानमन्त्री प्रचण्डले आजै विभिन्न मन्त्तालयका सचिवहरुलाई पनि निर्देशन दिँदै छन् ।

क्याटेगोरी : समाचार
ट्याग : #निर्वाचन आयोग, #पुष्पकमल दाहाल प्रचण्ड