बहुबिवाहको आरोपमा गृहमन्त्री खाँणविरुद्व आयोगमा उजुरी

साझा पाना २०७९ मंसीर १ गते १६:२९ मा प्रकाशित

काठमाडौं । बहुबिवाहको आरोप लगाउँदै गृहमन्त्री बालकृष्ण खाँणको उम्मेदवारी खारेज गर्न माग गर्दै निर्वाचन आयोगमा उजुरी परेको छ ।

कांग्रेसबाट रुपन्देही क्षेत्र नम्बर ३ बाट प्रतिनिधिसभा सदस्यका उम्मेदवार तथा गृहमन्त्री बालकृष्ण खाँणले बहुबिवाह गरेको भन्दै उम्मेदवार बन्न योग्य नरहेको भन्दै आयोगमा उजुरी परेको हो ।

अधिवक्ता तारा बरालले लगायतले खाँडविरुद्व उजुरी दर्ता गराएका हुन् ।

गृहमन्त्री खाँणले निर्वाचन आयोगमै बुझाएका दुई विवरणहरुमा रुपन्देहीमा श्रीमतीको नाम दिलमायाँ खाँण र तिलोत्तमामा पेश गरिएको साथै नेपाली कांग्रेसका प्रतिनिधिसभा समानुपातिक महिला उम्मेदवार मञ्जु खाँणले श्रीमानको नाम बालकृष्ण खाँण नै पेश गरेको पाइएको उजुरीमा उल्लेख गरिएको छ ।

क्याटेगोरी : समाचार
ट्याग : #बहुबिवाहको आरोपमा गृहमन्त्री खाँणविरुद्व आयोगमा उजुरी, #बालकृष्ण खाँण