सर्वेन्द्र-अमन को घरदैलोमा उत्साहित देखिएको टोखा ११

साझा पाना २०७९ कात्तिक २९ गते ११:३७ मा प्रकाशित

काठमाण्डौ । काठमाण्डौ क्षेत्र नम्बर ६ अन्तर्गत वडा नं ११ एमालेको गढझैँ मानिन्छ । बैशाखमा भएको स्थानीय तहको चुनावमा पनि ११ नम्वर वडामा एमालेले जीत हासिल गरेको थियो । केही पुरानो बस्ती तथा अलि ठूलो नयाँ बस्ती रहेको यो वडा बाँनियाटार भनेर चिनिए पनि निकै ठूलो भूपरिधि र जनसंख्या बोकेको वडामा पर्दछ वडा नं ११ ।

मंसिर ४ मा हुने चुनावका लागि रणनीतिक वडाको रूपमा हेरिएको वडा नं ११ मा नेकपा एमालेका उम्मेदवार सर्वेन्द्र खनाल तथा अमन मास्केले घरदैलो सम्पन्न गरेका छन् । वडामा गरिएको घरदैलोमा स्थानीयवासीको उल्लाशपूर्ण सहभागिता र समर्थन देखिन्थ्यो ।

धेरै मतदाता भएको वडामध्ये एक भएकाले यस वडालाइ एमालेका उम्मेदवारहरूले रणनीतिक वडाको रूपमा लिएको देखिन्छ । वडा नं ११ बाट यसअघिका निर्वाचनमा विशाल मत एमालेले ल्याउने गरेकामा यसपटक पनि एमालेलाई भारि मत आउनेमा उम्मेदवारहरु ढुक्क छन् । स्थानीय तहमा एमालेकोको सरकार रहेर पनि एमालेलाइ यो वडाले धेरै साथ दिने निश्चितप्रायः छ ।