१७ हजारले ज्यान गुमाउनुको स्पष्ट कारण खोई : केपी ओली

साझा पाना २०७९ कात्तिक २३ गते १८:२० मा प्रकाशित

काठमाडौं । नेकपा एमालेका अध्यक्ष केपी शर्मा ओलीले माओवादीका कारण १७ हजारले ज्यान गुमाउनुकोे उपलब्धी र कारण आज नेपाली जनताले खोजिरहेको बताएका छन् ।

बुधबार झापाको दमकमा आयोजित पार्टी प्रवेश कार्यक्रमलाई सम्बोधन गर्दै अध्यक्ष ओलीले नेपाली जनताले के उदेश्यका लागि १७ हजार नेपाली जनताले ज्यान गुमाउनुपरेको हो स्पष्ट कारण देखाउन चुनौती दिए ।

उनले ठूला(ठूला सपना देखाएर मृत्यु हुनेको कुरा मात्रै नभई बेपत्ता हुनेका परिवार र घाइतेको अवस्था अहिलेसम्म दर्दनाक रहेको बताए । क्रान्तिको नाम दिएर जनता उचाल्ने पार्टी नै सक्तामा पुगेपनि द्धन्दकालका कयौँ घाइतेले अझैसम्म उपचार नपाएर मृत्यु शैयामा छट्पटाइरहेका ओलीले बताए ।

घाइतेहरुका लागि नेकपा एमालेको नेतृत्वमा सरकार बनेपछि उपचार र भक्ताको व्यवस्था गरिने ओलीको भनाई थियो । यस्तै, ओलीले देश विकासको जिम्मा अब एमालेले लिएको बताए ।

एमालेको सरकार बन्नुअघि अन्य दलका सरकार बने पनि एमालेको सरकार आएपछि विकास निर्माणले गति लिएको अध्यक्ष ओलीको जिकिर थियो ।

कार्यक्रममा नेपाली कांग्रेसका नेता घनेन्द्र योङ्या, बलभद्र कोइराला, मोहन कार्कीसहित २ सय कांग्रेसका नेता कार्यकर्ता एमालेमा प्रवेश गरेका थिए । उनीहरुलाई कार्यक्रममै अध्यक्ष ओलीले पार्टीमा स्वागत गरे ।

क्याटेगोरी : समाचार
ट्याग : #hot, #केपी शर्मा ओली