एमालेको चुनावी अभियान दार्चुलाबाट सुरु गरिने

साझा पाना २०७९ कात्तिक ८ गते १४:२१ मा प्रकाशित

काठमाडौं । नेकपा एमालेले मंसिर ४ गते हुने प्रतिनिधिसभा तथा प्रदेशसभा निर्वाचनका लागि कात्तिक १८ गतेबाट चुनावी अभियान सुरु गर्ने भएको छ ।

एमालेले सुदूरपश्चिमको दार्चुलाबाट अभियानको थालनी गर्ने निर्णय पनि गरेको छ । दार्चुलाको खलंगामा हुने आमसभालाई पार्टीका अध्यक्ष केपी शर्मा ओलीले सम्बोधन गर्ने कार्यतालिका रहेको छ ।

दार्चुलाको सभालाई सम्बोधन गरेपछि त्यही दिन अध्यक्ष ओलीले बैतडी र कञ्चनपुरको चुनावीसभालाई पनि सम्बोधन गर्ने कार्यतालिका रहेको एमालेले जनाएको छ ।

क्याटेगोरी : समाचार
ट्याग : #एमालेको चुनावी अभियान दार्चुलाबाट सुरु गरिने, #नेकपा एमाले, #प्रतिनिधिसभा तथा प्रदेशसभा निर्वाचन