गोरखाको समग्र विकास र सहिदको सपना साकार पार्न लाग्छु : नेता धिताल

साझा पाना २०७९ कात्तिक १ गते १३:२७ मा प्रकाशित

गोरखा । गोरखा क्षेत्र नम्बर १ ‘क’ मा सत्ता गठबन्धनको तर्फबाट उम्मेदवारी दिएका माओवादी केन्द्रका नेता कृष्ण धिताल ‘विजयी’ ले चुनावी अभियानमा लागेका छन्। पार्टीका जिल्ला इन्चार्ज समेत रहेका धिताल पार्टीले आयोजना गरेको कार्यक्रममा चुनावी योजना निर्माणमा लागेका हुन्।

धितालले क्षेत्र नम्बर १ ‘क’ को विकास र समृद्धिको लागि आफ्नो उम्मेदवारी रहेको बताएका छन्। उनले प्रदेश मार्फत समग्र गोरखाको विकासका आफु लागि पर्ने समेत बताए।

पार्टी अभियानमा सक्रिय नेता धितालले आफु पार्टीको नीति तथा योजना भित्र बसेर गोरखाको समग्र विकासका साथै सहिदको सपना साकार पार्न लागिपर्ने बताए ।

जनयुद्धको समयमा उक्त क्षेत्रमा सक्रिय रहेका धिताल स्थानीय जनतामाझ निकै परिचित मानिन्छन्।

क्याटेगोरी : समाचार
ट्याग : ##गोरखा, #कृष्ण धिताल ‘विजयी’, #गोरखाको समग्र विकास र सहिदको सपना साकार पार्न लाग्छु : नेता धिताल