पार्टीभित्र उम्मेदवार छनोटमा कठिनाई भएको छ: माधव नेपाल

साझा पाना २०७९ भदौ २९ गते १८:१२ मा प्रकाशित

काठमाण्डौं । नेकपा (एकीकृत समाजवादी)का अध्यक्ष माधवकुमार नेपालले मंसिर ४ गते हुने प्रतिनिधिसभा र प्रदेशसभा चुनावका लागि आफ्नै पार्टीभित्र उम्मेदवार छनोटमा कठिनाई भएको खुलासा गरेका छन् ।
उठेर दुई कदम हिड्न नसक्ने वृद्धावस्थामा पुगेका नेताहरूले पनि उम्मेदवार दाबी गरेपछि उनीहरूलाई व्यवस्थापन गर्न मुस्किल भएको अध्यक्ष नेपालले बताए । टिकट नपाउने हो भने बेहोस् हुने हो कि भन्ने आफूलाई चिन्ता लागेको भन्दै उनले टिकटका आकांक्षीहरुप्रति कटाक्ष गरे ।

अब मंसिर ४ गते चुनाव हुन गइरहेको छ । सबैलाई टिकट चाहिएको छ । अब टिकट नपाउने हो भने कति जना फेन्ट हुने हो थाहा छैन । त्यो छुट्टयाउने आधार हामीले बनाउन सकिरहेका छैनौं । नगरे पनि हुन्थ्यो नि दावा भन्ने पनि चर्को दाबी गरिरहेका छन् । उठेर दुई कदम हिँड्नसक्दैन बिचरा बुढो भइसक्यो । तैपनि मर्ने बेलामा एकचोटी त पाउँ, अरु केही भएन भने नाम भएपनि त्यहाँ टाँसिन पाउँ । के होला, कस्तो गाह्रो ?

आज (बुधवार) काठमाडौंमा आयोजित पार्टी निकट समाजवादी सहकारी संगठन, नेपालको घोषणा कार्यक्रममा बोल्दै अध्यक्ष नेपालले पार्टीका नेता, कार्यकर्ताहरुलाई कुनै व्यवसाय वा रोजगारीमा जोडिन पनि आग्रह गर्दै उनले त्यसका लागि सहकारीको अवधारणा सबैभन्दा उपयुक्त हुने सुझाव समेत दिए ।

क्याटेगोरी : समाचार
ट्याग : #माधवकुमार नेपाल