इन्द्रजात्राको पूजामा प्रमुख बालेन र उपप्रमुख सुनिता सहभागी

साझा पाना २०७९ भदौ २४ गते १५:०५ मा प्रकाशित

काठमाडौं । काठमाडौंको वसन्तपुर दरबार क्षेत्रमा इन्द्रध्वजा ठड्याएसँगै सुरु भएको येँया भनिने इन्द्रजात्राको आज मुख्य दिन । ईन्द्र जात्रा सुरु गर्नुभन्दा पहिलो क्षमा पुजा गरिन्छ ।

काठमाडौं महानगरपालिका प्रमुख बालेन शाह र उपप्रमुख सुनिता सुनिता डंगोलले पूजामा सहभागी जनाएका छन् । उनीहरुले शुक्रबार बसन्तपुरमा ईन्द्र जात्रा सुरु गर्नुभन्दा पहिलो दिन पूजामा सहभागी भएका हुन् । उनीहरुले पुजारीको हातबाट टिका र प्रसाद पनि ग्रहण गरेसंगै कुमारी घरमा पुगेर दर्शन पनि गरेका छन् ।

८ दिनको जात्रामा विशेष कुमारी, गणेश, भैरव लगायत श्री लाखे आजू, श्री आकाश भैरव, श्री पुल्किसी आजू, श्री इन्द्रचोक आकाश भैरव, स्वेत भैरव लगायत विभिन्न देविदउताहरुको प्रदर्शन गर्ने र नाचहरु हुने र मूल जात्रा कुमारीको, गणेश र भैरवको रथ यात्रा हुनेछ ।
आज दिउँसो कुमारीको रथलाई काठमाण्डौको तल्लो क्षेत्र लगन, मरु, लगायतको ठाउँमा तानेर क्वःनेयाः मनाइनेछ । कुमारीको रथसँगै लाखे, पुलुकिसी, लगायतका देवदेवीको नाच पनि प्रदर्शन गरिनेछ ।

हनुमानढोका अगाडि धार्मिक विधिपूर्वक इन्द्रध्वजा ठड्याएपछि सुरु भएको जात्राभरि सवःभक्कुनाच, महाकालीनाच, लाखेनाच, दशअवतार तथा देवराज इन्द्रको वाहन ऐरावत हात्तीको प्रतीकका रूपमा पुलुकिसी नाच नचाउने गरिन्छ ।