मानव बेचबिखनबिरुद्ध राजनीतिक दलहरुको प्रतिबद्धता

साझा पाना २०७९ भदौ २३ गते १६:४५ मा प्रकाशित

काठमाडौं । आगामी प्रतिनिधिसभा र प्रदेशसभाको निर्वाचनमा मानव बेचबिखनबिरुद्धको ६ वटा एजेण्डाहरुलाई दलको घोषणापत्रमा समावेस गर्ने प्रतिबद्धता जनाएका छन् ।
‘‘म र मेरो राजनीतिकदल मानव बेचबिखन जस्तो जघन्य अपराधको न्यूनिकरणको लागि प्रतिवद्धता अभिव्यक्त गर्दछौ’ भन्दै ९ राजनीतिक दलहरुले ६ वटा एजेण्डामा हस्ताक्षर गरेका छन् ।
आगामी निर्वाचनका लागि लेखिने पार्टीको घोषणापत्र ६ वटा एजेन्डालाई समाबेस गर्नेे प्रतिबद्धता जनाउदै हस्ताक्षेर गरेको कुरा माइती नेपालद्धारा जारी विज्ञप्तिमा उल्लेख छ ।

नेपालका ९ वटा राजनीतिक पार्टीहरुले मानव बेचबिखनबिरुद्धको न्यूनिकरणका लागि संयुक्त रुपमा प्रतिवद्धता जनाएका ६ वटा एजेन्डाहरु जस्ताको त्यस्तै :

१.आगामी प्रदेश र संघ स्तरको निर्वाचनमा मानव बेचबिखन बिरुद्धको एजेन्डाहरुलाई दलको घोषणापत्रमा समाबेस गरी ठोस योजनाहरु तर्जुमा गर्न ।
२.मानव बेचविखन बिरुद्ध संघ देखी प्रदेश हुँदै स्थानिय निकायसम्म आवश्यक नीति तथा मानव बेचबिखन बिरुद्ध कृयाशिल हुने संयन्त्रहरु निर्माण गर्न ।
३.वैदेशिक रोजगार र अन्तरमहादेशिय आप्रवासनको आवरणमा मौलाउँदै गरेको मानव बेचबिखनको वद्लिंदो स्वरुपको न्यूनिकरणको लागि सम्वन्धीत देशहरुसंग सरकारी तवरमा दुई पक्षिय वा बहुपक्षिय संम्भौताहरु गर्न ।
४.मानव बेचबिखनको मुख्य कारणहरुको विश्लेषण गरी निरोधात्मक देखी उद्धार, पुनःस्थापना, सामाजिक पुर्नमिलन सम्मलाई समेट्दै तीनै तहको सरकारी संयन्त्रमा प्रभावकारी रुपमा एकिकृत कार्ययोजनाहरु सहितको कार्यक्रमहरु संञ्चालन गर्न ।
५.मानव बेचबिवखन जस्तो जघन्य अपराधको प्रभावकारी संबोधन गर्न ,रोजगारमुलक कार्यहरु संञ्चालन गर्न, प्रभावितहरुलाई रोजगार र आय आर्जनको तालिम प्रदान गर्न र यस अपराध बिरुद्ध व्यापक जनचेतना, अभिबृद्धि गर्न, गैर सरकारी क्षेत्रसंग हातेमालो गर्दै पर्याप्त श्रोत र साधनको व्यवस्था गर्न ।
६.विभिन्न अन्तराष्ट्रिय महासन्धिमा हस्ताक्षर र अनुमोदन गरे पश्चात यथाशक्य छिटो सोहि अनुरुप स्वदेशी कानून तथा नीति नियमहरुको शंशोधन र निर्माण गर्न ।

क्याटेगोरी : समाचार
ट्याग : #प्रतिनिधिसभा र प्रदेशसभा निर्वाचन, #मानव बेचबिखनबिरुद्ध राजनीतिक दलहरुको प्रतिबद्धता