रत्नपार्कमा पनि भत्काइयो अवैध संरचना

साझा पाना २०७९ भदौ १२ गते १६:२८ मा प्रकाशित

काठमाडौं । काठमाडौं महानगरपालिकाले आइतबार रत्नपार्क वरपरका अवैध संरचना भत्काउन भत्काएको छ । महानगरपालिकाको टोलीले भोटाहिटी र रत्नपार्क जोडिने अण्डरपासमाथि बनेका अवैध संरचना महानगर प्रहरीले भत्काएको छ ।
महानगरले भत्काइ सकेपछि व्यापारिहरुले प्रतिक्रिया दिदैँ कर बुझाएर व्यापार गर्दा पनि यस्तो कार्य गरेको बताए । उनले अहिलेको मेयरले एउटा कानुन बनायो ५ वर्षपछि अर्को कानुन आउला भन्दै यसले जनतालाई दुःख दिने काम भएको बताए ।

“मेयरले जे भन्यो त्यो हुने भोलि अर्को ५ वर्षमा अर्को मेयर आउला उहाँले अर्को कानुन लगाउने अनि जनताले के गर्ने, यस्ता कुराहरु मेयरले चिठि नपठाए पनि नगर प्रहरी, कार्यकारी कर्मचारीहरु छन् । तिनिहरुले चिठि ल्याएर वडामा दिएको भएपनि हुन्थ्यो ।”
रत्नपार्कको सब–वेसँगैका संरचना महानगरको टोलीले भत्काइदिएको छ । केहीदिन देखि काठमाडौं महानगरपालिकाले पार्किङ तथा फुटपाथ मिचेर बनाइएका अबैध संरचना हटाउने कार्यलाई तीव्रता दिएको छ ।
फुटपातमा व्यापार गरि बसेका अर्का व्यापारीले नेताको चुनावको समयमा ६ महिना अगाडीदेखि घोषणा हुने पसल हटाउन भने समय नदिएको भन्दै आरोप लगाए ।

“नेताको चुनाव लड्न प¥र्यो भने ६ महिनादेखि यो पार्टी त्यो पार्टी भनेर घोषणा हुने, चुनाव पनि यति बजेदेखि यति बजेसम्म भनेर घोषणा हुने, हाम्रो पसल चाहि अहिलेको अहिले हटाउनु पर्ने ।”
३५ दिने सूचना दिँदा पनि अटेर गरेपछि मेयर शाहले काठमाडौँको नयाँ बानेश्वर, सुनधारा, नयाँ सडक, बनस्थली क्षेत्रमा डोजर चलाइसकेका छन् ।