नेपाल राष्ट्रिय पर्यटन व्यवसासी संगठनकाे अध्यक्षमा कुँवर निर्वाचित

काठमाडौँ । नेकपा एमाले समर्थित पर्यटन व्यवसायीहरूको संगठन नेपाल राष्ट्रिय पर्यटन व्यवसासी संगठनकाे अध्यक्षमा पूर्णबहादुर कुँवर निर्वाचित भएका छन् । उनकाे‍ नेतृत्ववमा एक सय एक सदस्यीय कमिटी चयन भएकाे हाे ।

संगठनको तेस्रो अधिवेशनबाट अध्यक्षमा कुँवर, वरिष्ठ उपाध्यक्षमा राजेन्द्र सापकोटा निर्वाचित भएका छन् ।  त्यसैगरी, महासचिवमा एमबहादुर खड्का, उपमहासचिवमा नवाङ निमा शेर्पा र श्रीकान्त आचार्य चयन भएका छन् ।

संगठनकाे पाँच जना सचिवहरूमा दीपक दाहाल, जीवनराज सापकोटा, प्रदीप आचार्य, जया बराल र प्रह्लाद लोहनी रहेका छन् । त्यसैगरी, कोषाध्यक्षमा लिला बहादुर लामा तामाङ निर्वाचित भएका छन् ।

उपाध्यक्षमा टीकाराम गुरुङ, सुधीर कुमार उपाध्याय, केदारनाथ शर्मा, महेश भट्टराई, लंकबहादुर शाही र सागर अधिकारी निर्वाचित भएका छन् ।

अधिवेशनले ३० साउनको टानको चुनावका लागि अध्यक्षमा वरिष्ठ उपाध्यक्ष राजेन्द्र सापकोटालाई पठाउने निर्णय गरेको पनि बताइएको छ ।