काठमाडौँ । जापानका पूर्व प्रधानमन्त्री सिन्जो आबेको निधनप्रति प्रधानमन्त्री शेरबहादुर देउवा र प्रमुख प्रतिपक्षी दलका नेता तथा पूर्व प्रधानमन्त्री एवं नेकपा एमालेका अध्यक्ष केपी शर्मा ओलीले गहिरो समवेदना प्रकट गर्नुभएको छ ।

प्रधानमन्त्री देउवाले एक ट्विट मार्फत आबे विश्वको एक प्रसिद्ध नेता मात्र नभएर नेपालका एक असल मित्र पनि हुनुहुन्थ्यो भनी उहाँलाई सम्झनुभएको छ । यस दुखद घडीमा जापानी जनता र शोकसम्तप्त परिवारप्रति प्रधानमन्त्री देउवाले समवेदना प्रकट गर्नुभएको छ ।

यसैगरी, पूर्व प्रधानमन्त्री केपी ओलीले पनि ट्विट गर्नुहुँदै आबेको हत्याको घटनाको भर्त्सना गर्नुभएको छ । आफ्नो कार्यकालमा आबेले नेपाल जापान सम्बन्धलाई थप उचाइमा पुर्‍याउन खेल्नुभएको महत्त्वपूर्ण भूमिकाको सम्झना पनि पूर्व प्रधानमन्त्री ओलीले गर्नुभएको छ ।

क्याटेगोरी : समाचार
ट्याग : #केपी शर्मा ओली, #शेरबहादुर देउवा, #सिन्जो आबे

---

---

---