काठमाडौँ। जबरजस्ती करणी मुद्दामा नेकपा (एकीकृत समाजवादी) सम्बद्ध युवा संघका सचिवालय सदस्य टीकाराम नेपाली पक्राउ परेका छन् । प्रहरी बृत्त, सोह्रखुट्टेका अनुसार प्रेमिकासँग कयौं रात बिताएर पनि विवाह गर्न आनाकानी गरेको आरोप लागेपछि उनलाई पक्राउ गरिएको हो ।

नेपालीलाई शुक्रबार ठमेलको होटल एक्सेसबाट पक्राउ गरिएको हो । उनी विहीबार राति प्रेमिकासहित सो होटलमा पुगेका थिए ।

युवतीले आफूमाथि यौनजन्य दूव्र्यवहार भएको भनी प्रहरीलाई फोन गरेपछि उनलाई पक्राउ गरिएको हो । नेपालीविरुद्ध जबरजस्ती करणीमा जाहेरी दर्ता भइसकेको प्रहरीले जनाएको छ ।

क्याटेगोरी : अपराध/सुरक्षा, समाचार
ट्याग : #जबरजस्ती करणी, #पक्राउ

---

---

---