गोरखा नगरपालिकाको मेयरमा माओवादी र उपमेयरमा कांग्रेस विजयी

साझा पाना २०७९ जेठ ४ गते १३:५६ मा प्रकाशित

गोरखा । गोरखा नगरपालिकाको मेयरमा कृष्ण राना बिजयी भएका छन् ।

नेपाली कांग्रेसबाट मेयर पदका उम्मेदवार राजनराज पन्तलाई हराउँदै राना मेयर बनेका हुन् ।

यस अघिको स्थानीय निर्वाचनमा पन्तले रानालाई हराएका थिए भने अहिले रानाले पन्तलाई हराए ।

गोरखा नगरपालिकामा जनता समाजवादी पार्टी र माओवादी केन्द्र बिच तालमेल भएको थियो ।

तालमेल पछि प्रमुखमा माओवादी केन्द्र र उपप्रमुखमा जनता समाजवादी पार्टीले उम्मेदवारी दिएका थिए । जनता समाजवादी पार्टीबाट उपमेयरका उम्मेदवार नारायण खत्री भने पराजित बने ।

गोरखा नगरपालिकाको उपमेयरमा नेपाली कांग्रेसकी मसलीमाया थोकर बिजयी बनिन् ।

काठमाडौं

क्याटेगोरी : समाचार, स्थानीय
ट्याग : #कृष्ण राना, #गोरखा नगरपालिका, #मसलीमाया थोकर