काठमाडौं । काठमाडौंको तारकेश्वर नगरपालिकाको प्रमुखमा नेपाली कांग्रेसले अग्रता लिएको छ । स्थानीय तहको वैशाख ३० गते सम्पन्न मतदानको आज तीन हजार ८७२ मत गणना हुँदा कांग्रेसका उम्मेदवार कृष्णहरि महर्जनले एक हजार ६३८ मतका साथ अग्रता लिएका छन् ।

उनका निकटतम प्रतिद्वन्द्वी नेकपा (एमाले) का उम्मेदवार रामेश्वर बोहोराले एक हजार ३५१ मत प्राप्त गर्नुभएको सो नगरपालिकाका निर्वाचन अधिकृत चपला पोखरेलले जानकारी दिए ।

यस्तै, उपप्रमुखमा नेपाली कांग्रेसकी उम्मेदवार सिर्जना बुर्लाकोटीले एक हजार ५५७ र नेकपा (एमाले) की उम्मेदवार भवानी डोटेलले एक हजार ३६२ मत प्राप्त गरेका छन् । कुल ११ वडा रहेको तारकेश्वर नगरपालिकामा ३५ हजार ८२ मतदाता रहेकोमा २६ हजार ७०२ मत खसेको थियो ।

थप समाचार

विसं २०८२ का लागि चार नयाँ पञ्चाङ्गलाई स्वीकृति

पाल्ही बहुमुखी सहकारी संस्थामा ८५ लाख बढी हिनामिना

शिक्षामन्त्री विद्या भट्टराईले दिइन् राजीनामा

दुर्गा प्रसाईंविरूद्ध अर्को पनि पक्राउ पुर्जी जारी