गोरखाको ताराखसेमा गोली चल्यो, कर्मचारी घाईते

साझा पाना २०७९ वैशाख ३० गते १८:०२ मा प्रकाशित

गोरखा। गोरखाको भिमसेनथापा गाउँपालिका वडा नम्बर २ गाविस भबन ताराखसे मतदान केन्द्रमा गोली चलेको छ ।

ब्यक्तिले चलाएको गोली लागेर सोही केन्द्रमा खटिएका सहायक कर्मचारी मनिसा थापा मगर घाईते भएकी छिन् । उनको तिघ्रामा गोली लागेको मतदान अधिकृत बालकुमार नेपालीले बताए ।

करिब चार बजेर ३५ मिनेट गएको थियो, म र मनिसा थापा सँगै थियौँ, उहाँ एक्कासी ढल्नुभयो, गोली लागेको रहेछ’ उनले भने ‘कसले गोली हान्यो भन्ने यकिन भएको छैन ।’ त्यसयता मतदान प्रक्रिया रोकिएको छ ।