बिना बास्तोलालाई जिताउन महेस बस्नेत सङसङै

साझा पाना २०७९ वैशाख १९ गते ०६:५३ मा प्रकाशित

चाँगुनारायणमा बास्तोलालाई जिताउने बस्नेतले मागे भो

नेकपा एमालेको पोलिटव्युरो सदस्य महेश बस्नेतले चाँगुनारायण नगरपालिकाका नगर प्रमुखका प्रत्यासी उम्मेद्वार विना बास्तोलाको लागि स्थानीयसँग भोट मागेका छन् । वडा नम्बर १ सरस्वती खेलको घरदैलो कार्यक्रम र पार्टी प्रवेश कार्यक्रममा सम्बोधन गर्न पुगेका बस्नेतले बास्तोलालाई जिताउन स्थानीयसँग अनुरोध गरेका हुन् ।

‘महिलाको सम्मान गर्दै हामीले यस वडाको महिलालाई नेतृत्व दिएका छौँ । आधा आकाश ढाक्ने महिलाले उहाँलाई भोट दिनु पर्छ । नत्र यहाँको महिलालाई पाप लाग्नेछ,’ उनले भने, ‘यस क्षेत्रमा विकास, सुशासन र समृद्धिको लहर ल्याउनको लागि उहाँको उम्मेद्वारी दिएका छौँ । जुन गठबन्धनले गर्न सकेको छैन ।’

उनले गठबन्धन महिलाको लागि नभई पुरुषको लागि गरिएको आरोप लगाए । गठबन्धनको भागबन्डा महिलालाई स्थान नदिएको उनले बताए । त्यसैले महिलालाई उत्पीडन र हेपेको उनले बताए ।

उनले अघिल्लो स्थानीय तहको निर्वाचनलाई स्मरण गर्दै भने, ‘हामीले माओवादी केन्द्र र एमालेलाई मिसायाँै । धेरैले या त तोरी र कोदोको गेडा जस्तै भयो भने । हेर्दा उस्तै पिस्दा न तेल आउँछ । न त पिठो । केबल पिना मात्रै आउँछ । गाईबस्तुलाई मात्रै काम लाग्छ । हामीले उप निर्वाचनमा पूर्व माओवादीबाट डिपी ढकाललाई उठायौँ । तर उहाँले यस नगरपालिकाबाट ७ सय भोट मात्रै पाउनु भयो । बाँकी १२ हजार भोट नेकपा एमालेकै थियो ।’

एमालेलाई हराउनको लागि गठबन्धन ल्याएको हो । उनका अनुसार माओवादी बालुवा हो । एमालेको हलुवासँग मिसेर हलुवालाई बालुवा बनाएको छ । हामीले त्यसलाई केलाई केलाई निकालेर फालेका छौँ । आज माओवादी काँग्रेसमा हलुवामा बालुवा मिसाउन गएको छ । माओवादी मात्रै होइन एमालेका नेपाल पक्षधर पनि बालुवा मिसाउन गएको छ । हामीलाई हाइसन्चो भएको छ । एउटा भनाई छ बडाल्नु पर्ने कसिंगरलाई हावाले उडाएर गयो । हामीले बडालेर फाल्नु पर्ने थियो । तर हावाले नै उडाएर लग्यो । माधव नेपाल र प्रचण्डले हाम्रो सरकार ढाल्यो । केपी ओलीको राजनीतिक यात्रा अन्त्य गर्न खोज्यो । प्रधानमन्त्रीको पद फाल्यो । सुर्य चिन्ह खोस्न खोज्यो । तर हामी बलियौँ भयौ । अव हामीले थप कम्युष्निट आन्दोलन गर्न सक्छौँ । युवाहरुको साथ, सहयोग र विश्वासले थप प्रेरणा मिलेको छ ।

नेकपा एमाले के हो र पाँच वर्षको अवधिमा के गरेको छ भनेर यहाँका स्थानीयले प्रत्यक्ष अनुभव रहेको उनले सुनाए । मजदुर किसान पार्टीले २५ वर्षसँँम्म निरन्तर जित हासिल गर्दै आएको छ । तर गत वर्ष प्रदेश र स्थानीय तह दुबैमा नेकपा एमालेले जित हासिल गरेको छ । प्रदेश सभाका सांसद हरिशरण लामिछानेको मृत्युपछि उहाँको सपना पुरा गर्नको लागि नगरप्रमुख सोम प्रसाद मिश्र र उपप्रमुख विना बास्तोला लागिपरेको छन् र विकास निर्माणको कार्य तीव्र गतिमा भएको उनले बताए ।

नेकपा जहाँ आयो त्यहाँ सुखी, खुसी, समृद्धि र विकास आउने उनले बताए । नगरपालिकामा पहिले आएपनि यस वडामा आउन सकेको थिएन । त्यसैले विकासमा कांग्रेसले बाधा हाले । अव यही वडाको महिलाले यस क्षेत्रको विकास गर्ने विश्वास व्यक्त गरे ।

घरदैलो कार्यक्रममा सो वडाबाट ५९ जना युवाले पार्टी प्रवेश गरेको वडा कमिटिले जानकारी दिएको छ ।

क्याटेगोरी : समाचार