मिटर ब्याजमा प्रहरी नै सक्रिय : पैसा उठाउन बर्दीको दुरुपयोग

हवल्दार पाण्डेले त्यसरी धेरैलाई पैसा ‘मिटर ब्याज’ मा लगाउने गरेको गुनासो समेत उनको छ । प्रहरी हवल्दार समेत रहेका उनलेे पैसा ‘मिटर ब्याज’ मा लगाइदिने र पछि नउठेको अवस्थामा प्रहरीको बर्दी दुरुपयोग गरेर पीडितलाइ धम्काइ अशुल्ने गरेको आरोप समेत लगाए । प्रहरी हवल्दार पाण्डेले प्रहरीको आवरणमा ‘मिटर ब्याज’ को धन्दा समेत चलाएको हुन सक्ने आंकलन गरिएको छ ।

पाण्डे आफैं र प्रहरी अधिकारीहरु प्रयोग गरेर ‘मिटर ब्याज’ को पैसा अशुल्न थालेपछि पीडितहरु गृहमन्त्रालय, प्रहरी प्रधान कार्यालय र अख्तियार दुरुपयोग अनुसन्धान आयोग कार्यालयसम्म गुनासो बोकेर पुगेका छन् । त्यसो त पाण्डेको बसाई नै उपत्यकाका प्रहरी कार्यालयमा हुने गरेको छ ।

धनुषा ट्राफिकमा प्रहरी जवान हुँदा बिवादित भएका उनै हवल्दार पाण्डे रसुवा लखटिएका थिए । त्यहाँ हुँदा अकुत सम्पत्ति कमाएको केही हिस्सा उनलेे मिटरब्याजमा लगाएको हुन सक्ने आंकलन गरिएको छ । सोह्रखुट्टेमा प्रहरी हवल्दार भइ बढुवा भएका हवल्दार पाण्डे डेढ बर्ष देखी फर्पिङमा कायारर्त छन् ।

३ वटा खाता, ६ वटा सिम प्रयोग गर्छन्, पाण्डे 
यता, नेपाल प्रहरीका एक प्रहरी हवल्दारले आफ्नो ब्यक्तिगत सिमकार्ड कति बोक्छन् ? उसको साथमा कति वटा मोबाईल होला ? अनि बैंक खाता कति ? चर्को मूल्यमा मिटर ब्याजमा पैसा लगाएर बिवादित भएका प्रहरी हवल्दार सन्तोष कुमार पाण्डेले ०६ वटा सिमकार्ड र ३ वटा खाता प्रयोग गर्छन् । राष्ट्रिय बाणिज्य बैंक बाहेक उनको एनआइसी एशिया, नेपाल बैंकमा समेत खाता छ ।

उनलेे बोक्ने ब्यक्तिगत सियुजी बाहेक ९८०१६**७०९ , ९८४४०**१६२, ९८४१६**०६२, ९८०७६**८००८, ९८५४०**०६२ उनको सिम चालु अवस्थामा छ । यी मध्य अन्य सिमकार्डबाट उनलेे मिटर ब्याजमा लगाएको पैसा उठाउन प्रयोग गर्ने गरेको स्रोतले बताएको छ ।

सर्वसाधारणको वित्तीय पहुँचका लागि राज्यले के गर्‍यो : ने.रा.बैं. पूर्वकार्यकारी निर्देशक थापा

यता, नेपाल राष्ट्र बैंक ऐनको दफा ७६ ले राष्ट्र बैंकको अनुमतिबिना निक्षेप लिन तथा कर्जा प्रवाह गर्न पाइँदैन । अनौपचारिक अर्थतन्त्रको फैलावट बढ्दै जाँदा मिटर ब्याजको धन्दा चलाउनेहरूको संख्या बढ्दो देखिन्छ ।

नेपाल राष्ट्र बैंकका पूर्वकार्यकारी निर्देशक नरबहादुर थापा कर्जाका लागि मिटर ब्याजीको शरणमा पर्ने र चर्को ब्याजदरका कारण सर्वसाधारणले आत्महत्या गर्नुपर्ने घटनालाई बुझ्न सर्वसाधारणको वित्तीय पहुँचका लागि राज्यले के गर्‍यो भन्ने प्रश्नको उत्तर खोज्नुपर्ने बताउँछन् ।

उनका अनुसार पछिल्ला वर्षहरूमा सुरु भएको बैंकहरूको मर्जर प्रणाली र कर्जा दिने सर्तहरूमा गरिएको परिवर्तनले सर्वसाधारणलाई बैंकबाट कर्जा पाउन मुस्किल बन्दै गएको छ । उनले मर्जर नीतिपछि ८८ वटा विकास बैंक २५ मा झरेको र ७९ वित्त कम्पनी मर्ज भएर २२ मा झरेको बताए ।

उनले भने, ‘वित्तीय संस्था र बैंकहरू विकेन्द्रीकरण हुनुपर्नेमा केन्द्रीकृत भए । वित्तीय स्थायित्व भन्दै हामी मर्जरतिर गयौं ।’ उनको बुझाइमा एक समय मध्यम वर्गमा रहेकाहरूले बैंकबाट धितो राखेर कर्जा लिने गरेर आफ्नो आर्थिक अवस्था सुधारेका थिए । पछिल्लो समय त्यसमा कडाइ गरिएकाले ठूलो संख्यामा सर्वसाधारण अनौपचारिक क्षेत्रबाट ऋण लिन थाले ।

हवल्दार पाण्डे भन्छन् : सत्यता छैनन्

यसैबीच, प्रहरी हवल्दार सन्तोष कुमार पाण्डेले भने आफुमाथि लागेको आरोप निराधार रहेको बताएका छन् । “साझापाना अनलाइन” संग कुरा गर्दै प्रहरी हवल्दार समेत रहेका आरोपित पाण्डेले आफुमाथि लागेको आरोपको खण्डन गर्दै पीडित भनिएका रायलाई आफुले साथीको रूपमा मात्रै चिनेको र कुनै प्रकारको मिटर ब्याजमा आफ्नो कुनै संलग्नता नरहेको बताएका छन् ।

उनलेे भने, यस्मा मेरो कुनै संलग्नता छैनन् । गाह्रो पर्‍यो भनेपछि मैले उनलाई सापटीबापत रकम मात्रै दिएको हुँ । म एउटा प्रहरी हवल्दार जस्तो दर्जाले मिटर ब्याजमा लगाउने पैसा कहाँबाट ल्याउन सक्छौं र ?

साथै, उनलेे पीडित भनिएका युवा रायमाथि बैंकिङ कसुरमा उच्च अदालत पाटनबाट पक्राउ पुर्जी जारी भइ थुनामा परेको समेत बताए । महानगरीय प्रहरी परिसरमा मुद्दा परेपछि उनी थुनामा परेको र पछि उनको अंकल आएर एक लाख रुपैयाँ खातामा पैसा जम्मा गरे पछि मात्रै निजलाइ छाडिएको हवल्दार पाण्डेले बताए ।