चितवन । नायिका रेखा थापाको चरित्रहत्या गरेको आरोप लागेका शर्मिला वाइबालाइ चितवन प्रहरीले पक्राउ गरेको छ ।

उनलाई ईलाका प्रहरी कार्यालय खैरहनी चितवनबाट पक्राउ गरिएको प्रहरी स्रोतले जनाएको छ । स्रोतका अनुसार वाइबाको केही दिनदेखि मोबाईल अफ थियो । लोकेशन चितवन नै देखाएपछि टाँडी प्रहरी र खैरहनी प्रहरी उनको खोजीमा जुटेको थियो । तर, अनुहार छोपी नचिन्ने अवस्थामा हिंडेका उनलाई हिजो साँझ प्रहरीले पक्राउ गर्न सफल भएको हो ।

स्रोतले भन्यो, उनले होली खेलेको घर खोज्दै जाँदा समेत फेला परेको थिएनन्, तर उनी आफैं साँझ एउटा घट्नाका बिषयमा ईलाका प्रहरी कार्यालय खैरहनी जाँदा त्यहीँबाटै उनलाई पक्राउ गर्न सफल भएको हो । पक्राउ परेकी उनलाई थप आवश्यक कार्वाहीको लागी हिजो राती नै प्रहरीले केन्द्रिय साइबर ब्यूरोमा पठाइएको चितवन प्रहरीले जनाएको छ ।

नायिका रेखा थापाले पल शाह प्रकरणमा नाबालिग गायिकाको समर्थनमा स्टाटस लेखेपछि सामाजिक सञ्जालमार्फत गाली बेइज्जती गरेर वाइबा फरार रहदै आएकी थिइन् । वाइबाविरुद्ध थापाले आफ्नो चरित्र हत्या गरेको भन्दै साइबर ब्यूरोमा उजुरी दिएपछि फरार रहदै आएकी उनलाई चितवन प्रहरीले पक्राउ गर्न सफल भएको हो ।

क्याटेगोरी : अपराध/सुरक्षा, ब्रेकिंग न्युज, विशेष, देश परदेश, समाचार, स्थानीय

---

---

---