चितवन । बैंकिङ कसुरमा तीन महिनादेखि फरार रहदै आएका झापाका एक युवालाइ चितवन प्रहरीले आज (बिहीबार) पक्राउ गरेको छ ।

सम्मानित उच्च अदालत पाटनको गत, चैत २२ गतेको फैसलाले बैंकिङ कसुर मुद्दामा १५ दिन कैद र दुई करोड छपन्न लाख रुपैयाँ जरिवाना फैसला सुनाई फरार रहदै आएका झापाको दमक नगरपालिका वडा नंम्बर १६ तथा साविकको गोर्खेधाप गा.वि.स. वडा नंम्बर १ स्थाई ठेगाना भई हाल काठमाण्डौको चन्द्रगिरी नगरपालिका वडा नंम्बर १५ तीनथाना बस्ने ५५ बर्षीया गोपाल प्रसाद ढुंगेललाइ चितवनको रत्ननगर नगरपालिका वडा नंम्बर ११ जिरौनाबाट प्रहरीले पक्राउ गर्न सफल भएको हो ।

प्रहरीका अनुसार बैंकिङ कसुरमा फरार रहदै आएका ढुंगेल पछिल्लो समय चितवन जिल्लामा लुकिछिपी बसेको भन्ने सूचनाको आधारमा प्रहरीले उनीमाथि निगरानी बढाउँदै आएको थियो । सोही क्रममा प्रहरीले उनलाई आज (बिहीबार) बिहान साँढे नौ बजे जिरौना बाट पक्राउ गर्न सफल भएको जिल्ला प्रहरी कार्यालय चितवनले जनाएको छ । पक्राउ परेका ढुंगेलमाथि आवश्यक कार्वाहीको लागी सम्मानित चितवन जिल्ला अदालतमा बुझाएको प्रहरीले जनाएको छ ।

थप समाचार

सडक दुर्घटनामा दुईको मृत्यु, १४ जना घाइते

राजेन्द्र लिङ्देनसहित राप्रपाका नेताहरू पक्राउ

‘पूर्वराष्ट्रपति, उपराष्ट्रपतिलाई पुनःराजनीतिमा फर्कन बन्देज छैन’

राप्रपाको प्रदर्शन विजुलीबजारमा केन्द्रीत, सांसदहरु सिंहदरबारमा