तारकेश्वरमा २४ घण्टामा २३ कोरोना संक्रमित

साझा पाना २०७८ असार १५ गते १०:०७ मा प्रकाशित

काठमाडौं । तारकेश्वर नगरपालिकामा दोस्रो चरणमा कोरोना संक्रमितको संख्या २४४४ पुगेको छ । तारकेश्वर नगरले दिएको जानकारी अनुसार ११२० महिला र १३२४ पुरुष रहेका छन् । निको हुनेहरुको संख्या १४३७ रहेको छ । अहिलेसम्म ४२ जनाको मृत्यु भएको छ । जसमा २० महिला र २२ पुरुष रहेका छन् । संक्रिय संक्रमितको संख्या ४६१ महिला र ५०४ पुरुष गरी ९६५ जना पुगेका छन् ।

त्यस्तै तारकेश्वर १ मा कोरोना संक्रमितको संख्या ४५ जना पुगेको छ । वडा नं. २ मा १७९ जना रहेका छन् । वडा नं. ३ मा ८१ जना रहेका छन् । वडा नं. ४ मा २१९ छन् । त्यस्तै वडा नंं. ५ मा २८८ जना छन् । वडा नं. ६ मा २४७ जनामा कोरोना संक्रमण देखिएको छ । वडा नं. ७ मा २४४ जनामा कोरोना संक्रमण देखिएको छ ।

वडा नं. ८ मा ३३६ जनामा कोरोना संक्रमण देखिएको छ । वडा नं. ९ मा ३०० जनालाई संक्रमण देखिएको छ । वडा नं. १० मा २८४ जना छन् र वडा नं. ११ मा २२१ जना सक्रिय संक्रमित रहेका छन् । तारकेश्वर नगरपालिकामा आजको डाटाअनुसार १२ महिला र ११ पुरुष गरी २३ जनामा कोरोना पुष्टि भएको छ ।

अहिलेसम्म तारकेश्वरमा २१९८ जनाको एन्टिजेन टेष्ट गर्दा ४०२ जनामा कोरोना संक्रमण पुष्टि भएको छ । २४ घण्टामा १५ जनाको एन्टिजेन टेष्ट गर्दा ७ जनामा पोजेटिभ देखिएको छ । त्यस्तै तारकेश्वरमा ८८८ जना होम आइसोलेसनमा रहेका छन् भने ७७ जना अस्पतालको आइसोलेशनमा रहेका छन् ।

साङ्ला प्राथमिक केन्द्रको आइसोलेशनमा अहिलेसम्म ५० जना भर्ना भएर उपचार गराइरहेका छन् । जसमा ३५ जना डिस्चार्ज भएर घर गएका छन् भने ४ जनालाई रेफर गरिएको छ । २४ घण्टामा ० जना कोरोना संक्रमित बिरामी थपिएका छन् ।

क्याटेगोरी : समाचार
ट्याग : #तारकेश्वर