नदीजन्य पदार्थ उत्खनन गर्ने ६ वटा ट्रयाक्टर नियन्त्रणमा

प्रनिश थापा चितवन संवाददाता २०७८ जेठ १३ गते २०:३१ मा प्रकाशित

चितवन । अवैधरुपमा नदीजन्य पदार्थ उत्खनन गर्ने ट्रयाक्टरहरुलाइ चितवन प्रहरीले नियन्त्रणमा लिएको छ ।

जिल्ला प्रहरी कार्यालय चितवनका अनुसार ईच्छाकामना गाउँपालिका ७ भोटी खोलामा अवैधरुपमा नदीजन्य पदार्थ उत्खनन गर्दै गरेको अवस्थामा ना ५ त ५२८६, लु ४ त, ना ५ त ८१९०, ना ५ त ८४८२, ना ७ त ६२९८ र ना ३ त ५०११ नम्बरको ट्याक्टर सहित कालिका नगरपालिका २ बस्ने बर्ष २१ को सन्देश तामाङ, कालिका नगरपालिका ३ बस्ने बर्ष २० को बिनोद तामाङ, ईच्छाकामना गाउँपालिका ७ बस्ने बर्ष २१ को खड्क सिह मोक्तान, सोही ठाउँ बस्ने बर्ष ३१ को रामलाल तामाङ, कालिका नगरपालिका ३ बस्ने बर्ष २१ को सरोज चौधरी, कालिका नगरपालिका २ बस्ने बर्ष २८ को श्यामकुमार गुरौलाइ नियन्त्रणमा लिइ थप कार्वाहीको लागी जिल्ला समन्वय समिति चितवनमा बुझाएकोमा उनीहरुलाइ प्रति ट्रयाक्टर दश हजार रुपैयाँ जरीवाना तिराइ छाडिएको प्रहरीले जनाएको छ ।

क्याटेगोरी : अपराध/सुरक्षा, ब्रेकिंग न्युज, विशेष, देश परदेश, समाचार, स्थानीय