अईसोलेसनमा वेड खरिद गर्न सखुवासभा कम्युनिटी अफ युएसएको सहयोग

साझा पाना २०७८ जेठ १३ गते १६:५२ मा प्रकाशित

सखुवासभा कम्युनिटी अफ अमेरिका (युएसए)ले कोभिड–१९ आइसोलेसनलाई १२ लाख ५० हजार रुपैया उपलब्ध गराएको छ । खाँदबारी नगरपालिका–३ मानेभञ्ज्याङमा सञ्चालन गरिएको आइसोलेसनमा ५० वेड खरिदका लागि रकम हस्तान्तरण गरेको कम्युनिटीका जिल्ला संयोजक किरण कुमार शाक्यले जानकारी दिनुभयो ।

मानेभञ्ज्याङको कृषि बजारमा सञ्चालन गरिएको आइसुलेसनमा विरामी वेड खरिदका लागि कम्युनिटीले नगद सहयोग गरेको हो । सो रकम बाट २५ हजार रुपैयाँका दरले ५० वेड खरिद गरिएको जिल्ला समन्वय प्रमुख तथा अस्पताल व्यवस्थापन अध्यक्ष शाक्ले बताउनुभयो । संखुवासभामा जन्मीएर अमेरिकामा बसोवास गरिरहेका अमेरिकावासीबाट संकलित रकम कोभिड नियन्त्रणका लागि जिल्लामा पठाएको कम्युनिटीका अध्यक्ष शान्ति श्रेष्ठले जानकारी दिनुभयो । कोभिड नियन्त्रणका लागि पहिलो चरणमा सो रकम उपलब्ध गराएको हो । कम्युनिटीका जिल्ला संयोजकले आइसोलेसनलाई चेक हस्तान्तरण गराएका हुन् । कम्युनिटीले जिल्लामा परेको विपद्को समयमा सय अघि पनि विभन्न सहयोग गदै आएको छ ।

सो ५० वेडको आइसोलेसन जिल्ला अस्पताल र खाँदबारी नगरपालिकाले संयुक्तरुपमा निर्माण गरी बुधबार बाट सञ्चालनमा ल्याएको छ । हाल सम्म जिल्लामा १ सय ९० बेडको अईसोलेसन संचालनमा रहेको छ ।