बालाजुको जनमैत्री अस्पतालको खोप केन्द्रमा खोप लाउनेको घुँइचो

एकै दिनमा हजार भन्दा बढीले खोप लगाए

साझा पाना २०७८ वैशाख ११ गते २२:०० मा प्रकाशित

सीता पौडेल(अर्चना)

काठमाडौं। काठमाडौं महानगरपालिका वडा नम्बर १६ बालाजुको जनमैत्री अस्पतालको खोप केन्द्रमा कोभिड — १९ विरुद्धको पहिलो र दोस्रो खोप लगाउनेको निकै ठूलो भिड लाग्यो ।

यस खोप केन्द्रमा एकै दिनमा एक हजार भन्दा बढीले खोप सेवा लिएको जनमैत्री अस्पतालका प्रमुख व्यवस्थापक उमेश पाण्डेले बताए । उनले भने, ‘ सरकारले १७ वटा खोप केन्द्र तोकेको भएता पनि अहिले जम्मा ८ वटा खोपकेन्द्रबाट मात्रै सेवा प्रवाह गरेकोले यस्तो भिड भएको हाम्रो अनुमान छ , तर हामी खोप लगाउनआउने जति सबैलाई छिटो र छरितो रुपमा खोप लगाएर पठाउने योजना लागेका छौं । ’

डब्लुएचओले समेत उत्कुष्ठ खोपकेन्द्रको रुपमा यस खोप केन्द्रलाई लिएको भन्दै उनले खोप लगाउने निर्धारित समय १० बजेदेखी ४ बजे सम्म भनिएता पनि उपस्थितहरुलाई साँझ सात बजेसम्मै बसेर खोप सेवा प्रदान गरेको बताए ।