नागार्जुनमा अपाङ्गता भएका व्यक्तिहरुलाई सहयोगी सामाग्री वितरण

साझा पाना २०७७ चैत्र ४ गते १४:३४ मा प्रकाशित

सीता पौडेल ,
काठमाडौं। काठमाडौंको कपुरधारा सामाखुशीमा अवस्थित राष्ट्रिय अपङ्गगता पूर्नस्थापना केन्द्र नेपालको आयोजना,नागार्जुन नगरपालिकाको महिला तथा बालबालिका शाखाको समन्वय र बाग्मति प्रदेश सामाजिक विकास मन्त्रालयको साझेदारीमा अपाङ्गता भएका व्यक्तिहरुलाई सहयोगी सामाग्री वितरण गरेको छ ।

केन्द्रले हालै एक कार्यक्रमको आयोजना गरि नागार्जुन नगरपालिकाभित्र बसोबास गर्ने १४० जना अपाङ्गगता भएका व्यक्तिहरुलाई सहयोगी सामाग्रीहरु वितारण गरेको नगर उप–प्रमुख शुसिला अधिकारीले बताइन् । अपाङ्गगता भएका व्यक्तिहरुको आवश्यक्ततालाई मध्येनजर गरेर विभिन्न खालका सहयोगी सामाग्री वितरण गरिएको उप–प्रमुख अधिकारीको भनाई छ ।

अपाङ्गता भएका व्यक्तिहरुको दैनिकीमा सहजता ल्याउन सहयोग पुगोस् भन्ने उद्देश्यले यस्ता सहयोगी सामाग्री वितरण गरिएको राष्ट्रिय अपङ्गगता पूर्नस्थापना केन्द्र नेपालका अध्यक्ष राम प्रसद ढुङ्गानाले बताए । केन्द्रले कम्बोट चेयर १५ वटा , हृविल चेयर १० वटा, कम्मर वेल्ट १७ वटा , हट व्याग २१ वटा , लठ्ठी १६ वटा , डाइफर १० वटा, वैशाखी र वाकर जस्ता सहयोगी सामाग्री वितरण गरेको केन्द्रका प्रतिनिधि लक्ष्मी आचार्यले बताइन् ।