सवारीसाधनबाट पैसा लिने तथा प्रहरीलाई दुब्यवहार गर्ने दुइ जना बिचौलीया पक्राउ

प्रनिश थापा चितवन संवाददाता २०७७ फागुन २४ गते ०९:४५ मा प्रकाशित

चितवन । सवारी साधनबाट पैसा लिने तथा ड्युटीमा खटिएका प्रहरीलाई दुर्ब्यबहार गर्ने दुइ जना बिचौलियालाइ चितवन प्रहरीले शनिबार पक्राउ गरेको छ ।

पक्राउ पर्नेहरूमा नवलपुरको गैंडाकोट नगरपालिका २ बस्ने ३२ बर्षिया सुजन शाही र कावासोती नगरपालिका १४ बस्ने २८ बर्षिया राज कुमार श्रेष्ठ रहेका छन् ।

उनीहरुले भरतपुर महानगरपालिका ३ पुल्चोकमा नारायणगढबाट काठमाण्डौ जान लागेको बा. १३. च. ५७९७ नम्बरको कारलाई रोकी हामीले काठमाण्डौं जाने मान्छे तपाईको गाडीमा राखी दिन्छौं केही पैसा ट्राफिक प्रहरीलाई दिनुपर्छ, केही कमिसन हामी पनि राख्छौ भनी पैसा उठाउने र ड्युटीमा खटिएको प्रहरीलाई अपशब्द प्रयोग गरी कामकाजमा अबरोध सिर्जना गर्ने गरेको प्रहरीको भनाइ छ ।

ड्युटीमा खटिएका प्रहरीलाई कामकाजमा अवरोध सृजना गर्दै सवारीसाधनबाट पैसा अशुल्ने गरेको आरोपमा उनीहरुलाइ (शनिबार) हामीले पक्राउ गरेका छौँ, चितवनका प्रहरी प्रमुख (एसपी) ओम प्रसाद अधिकारीले भने, पक्राउ परेकाहरू दुबैउपर हिजो (आइतबार) देखी लागु हुने गरी सम्मानित चितवन जिल्ला अदालतबाट सात दिनको म्याद थप गरी अनुसन्धान गर्ने कार्य भइरहेको जनाइएको छ ।

लागूऔषध सहित एक जना पक्राउ ।

यस्तै, चितवन प्रहरीले लागूऔषध सहित एक जनालाई पक्राउ गरेको छ । (आइतबार) साँझ अन्दाजी सवा पाँच बजेको समयमा भरतपुर महानगर ११ नवज्योतीचोक स्थित बाटोमा शंकास्पद रुपमा हिडिरहेका भरतपुर १२ नौरङगे बस्ने बर्ष २० को रिबाज तामाङलाइ नियन्त्रणमा चेकजाँच गर्ने क्रममा उनको साथबाट अन्दाजी ५०० ग्राम लागूऔषध गाँजा फेला पारिएको चितवन प्रहरीले जनाएको छ ।