चितवन । चितवन प्रहरीले एक वृद्धाको हत्यामा संलग्न एक जनालाइ पक्राउ गर्न सफल भएको छ । चितवनको प्रहरी प्रमुखका रूपमा (एसपी) ओमप्रसाद अधिकारीले जिम्मेवारी सम्हालेको एक साता नबित्दै एक वृद्धको हत्यामा संलग्न मकवानपुरको थाहा नगरपालिका–८ घर भएकी ३५ वर्षीया सविना सुनार भनिने शोभा विक लाई पक्राउ गर्न प्रहरी सफल भएको हो ।

जिल्ला प्रहरी कार्यालय चितवनमा आज (बिहीबार) आयोजित पत्रकार सम्मेलन मार्फत भरतपुर महानगरपालिका ९ की ७४ वर्षीया बाबाहजुर थापाको हत्यामा संलग्न बिकलाई लामो समयको अनुसन्धान पछि चितवन प्रहरीले गत फागुन २ गते पक्राउ गरेको भए पनि हत्या स्वीकार गरेकोले आज मात्रै सार्वजनिक गरिएको बताए । अनुसन्धानका क्रम्मा पटके चोरीमा संलग्न हुँदै आएकी उनलेे चोरीका लागी नै थापाको हत्या गरेकी थिइन् ।

पक्राउ परेकी बिकले गत, असोज ७ गते मृतक वृद्धाको घरमा पुगेर मोबाइल र गरगहना लुटपाट गरी हत्या गरेकी थिइन् । उनलाइ सम्मानित चितवन जिल्ला अदालतबाट सात दिनको म्याद थप गरी मुलुकी अपराध संहिता–२०७४ को ज्यान सम्बन्धी कसुर अन्तर्गत कर्तव्य ज्यान मुद्दामा थप अनुसन्धान गर्ने कार्य भईरहेको चितवन प्रहरीले जनाएको छ ।

थप समाचार

तारकेश्वरमा भौतिक पूर्वाधार मन्त्री अमन मास्केको पहलमा ५० करोडको १६…

५ वर्ष सामाजिक सुरक्षा भत्ता नबढाउन सुझाव, वृद्धभत्ताको उमेर बढाउन…

दुर्गा प्रसाईँले आत्मसमर्पण गरेको सचिवालयको भनाइ