एसपी गुरुङको एक्सन : डाँका गरी फरार दुइ जना पक्राउ

प्रनिश थापा चितवन संवाददाता २०७७ माघ २९ गते १०:३३ मा प्रकाशित

चितवन । चितवन प्रहरीले एक महिलालाइ लुटपाट गर्ने दुइ जनालाइ पक्राउ गरेको छ । गत, माघ २४ गते राती ९ बजेको समयमा भरतपुर महानगरपालिका ३ कमलनगरस्थित एकान्तस्थल (चउर) मा तनहुँ बस्ने ३९ बर्षिया एक महिलालाई लुटपाट गर्ने भरतपुर महानगरपालिका ११ बस्ने अन्दाजी ३२/३३ का बिकल क्षेत्री र सन्तोष बिश्वकर्मालाइ चितवन प्रहरीले पक्राउ गरेको हो ।

पक्राउ परेका मानिसहरु

पक्राउ पर्नेहरूलाइ माघ २७ गते भरतपुर ३ स्थित बाह्रघरेमा लुकिछिपी बसेको अवस्थामा प्रहरीले पक्राउ गरेको जनाइएको छ । पक्राउ परेका क्षेत्रीको बाह्रघरेमा रहेको कोठामा खानतलासी गर्दा ती महिलाले लगाएको एक थान सुनको सिक्री, एक थान घडी र दुइ थान मोबाइल समेत बरामद गरेको छ ।

त्यस्तै, थप अनुसन्धान गर्ने क्रम्मा लुटिएकी ती महिलाले कानमा लगाउने झुम्का एक जोर र हातमा लगाउने ब्रासलेट भरतपुर महानगरपालिका ११ बस्ने बर्ष २९ को सन्तोष विश्वकर्मालाई बेचेको भन्ने बयान दिएपछि विश्वकर्मालाई समेत पक्राउ गरिएको प्रहरीको भनाईं छ ।

बरामद गरिएको सामान

पक्राउ परेकाहरुलाइ माघ २७ गतेबाट नै लागु हुने गरी सम्मानित चितवन जिल्ला अदालतबाट सात दिनको म्याद थप गरी थप अनुसन्धान गर्ने कार्य भइरहेको चितवनका प्रहरी प्रमुख एसपी नान्तिराज गुरुङले जानकारी दिए ।

गुरुङका अनुसार अहिले सम्मको प्रारम्भिक अनुसन्धानका क्रम्मा बिशाल भन्ने ब्यक्तिले आफु मोटरपार्टस तथा वर्कसपको सञ्चालक हुँ भनी फोन मार्फत सामान्य चिनजान गरी बिभिन्न प्रलोभन देखाइ चितवन घुम्न आउनु भनी तनहुँबाट ती महिलालाइ चितवन बोलाएको देखिएको छ ।

यहीँ क्रम्मा माघ २४ गते बेलुकी ६ बजे भरतपुर महानगरपालिका ०१ पुल्चोकमा भेटेर उनले बिभिन्न ठाउँमा घुमाई मेरो घर नजिकै जाउँ भनेर अटो समेत चढाएको र केहि समय अटोमा घुमाएका उनलेे अटोबाट झारेर भरतपुर महानगर ३ कमलनगरस्थित एकान्तस्थल (चउर) मा लगी ज्यान मार्ने धम्की दिएर चक्कुजस्तो धारिलो हतियार देखाई कुटपिट एवं लछारपछार गरी कान र हातमा समेत चोट पुर्‍याएर ती महिलाले लगाएको सुनको झुम्का, सिक्रि, ब्रासलेट, ०२ वटा औंठी, हातमा लगाएको घडी , ०२ वटा मोवाइल र नगद सत्र हजार गरी पाँच लाख त्रिसठ्ठी हजार दुइ सय पचास रुपैया बराबरको धनमाल डाँका गरी लुटिएको थियो ।

यो खबर वडा प्रहरी कार्यालय नारायणगढमा प्राप्त भएसँगै त्यहाँबाट प्रहरीको टोली खटेर महिलाको उद्दार गरी थप उपचारको लागी तत्कालै अस्पताल पुर्‍याएकोमा हाल उनको अवस्था सामान्य रहेको र थप अनुसन्धान गर्ने कार्य समेत भइरहेको जनाएको छ ।

क्याटेगोरी : अपराध/सुरक्षा, ब्रेकिंग न्युज, विशेष, देश परदेश, समाचार, स्थानीय