चितवन प्रहरीद्वारा बाल यौन दुरुपयोग, यौन हिंसा तथा साईवर अपराध सम्बन्धी प्रशिक्षण

प्रनिश थापा चितवन संवाददाता २०७७ माघ २० गते २१:१५ मा प्रकाशित

चितवन । चितवन प्रहरीले बाल यौन दुरुपयोग, यौन हिंसा तथा साईवर अपराध सम्बन्धि प्रशिक्षण गरेको छ । सोमबार सामुदायिक सेवा केन्द्र नारायणगढ र वडा प्रहरी कार्यालय नारायणगढ चितवनको संयुक्त आयोजनामा बाल यौन दुरुपयोग, यौन हिंसा तथा साईवर अपराध जस्ता विषयहरुमा तालिम प्रदान गरिएको चितवनका प्रहरी प्रमुख (एसपी) नान्तीराज गुरुङ्गले जानकारी दिनुभयो ।

(एसपी) गुरुङका अनुसार पछिल्लो समय बाल यौन दुरुपयोग, यौन हिँसाका घटनाका बिषयमा वृद्धि हुँदै गएपछि सामुदायिक प्रहरी साझेदारी (सिपिपी) अन्तर्गत भरतपुर महानगरपालिका वर्डा नम्बर ५ स्थित स्मल हेभनमा अध्ययनरत विद्यार्थीहरुलाई प्रशिक्षण गराइएको हो । यस्ले विद्यार्थीहरुलाई थप शिक्षा प्रदान हुुुने एसपी गुरुङले बताए ।

पछिल्लो समय सामाजिक संजालको दुरुपयोग हुने क्रम बढ्दै गएपछि त्यसले अपराधीक गतिविधिलाइ समेत बढावा दिएको भन्दै यस्मा चितवन प्रहरीले सक्रियतापुर्वक काम गरिरहेको जनाएको छ । प्रशिक्षक वर्डा प्रहरी कार्यालय नारायणगढका प्रहरी निरीक्षक रघु सिँह बिष्ट थिए भने तालिममा शिक्षक तथा विद्यार्थी गरी ८० जना सहभागी रहेका थिए ।

यसअघि सोमबार नै भरतपुर महानगरपालीका वडा नंम्बर १५ कल्याणपुरस्थित श्री बिश्वप्रकाश माध्यमिक बिद्यालयमा समेत साईवर अपराध सम्बन्धि प्रशिक्षण गरिएको थियो ।