संखुवासभामा जनता समाजबादी पार्टीले जलायो प्रधानमन्त्री र राष्ट्रपतीको पुत्ला ( फोटो फिचर )

साझा पाना २०७७ पुस १० गते १६:५५ मा प्रकाशित

सुजन बज्राचार्य, खाँदबारी ।

जनता समाजवादी पार्टी संखुवासभाले सदरमुकाम खाँदबारीमा प्रधानमन्त्री र राष्ट्रपतीको पुत्ला जलाएको छ । प्रधानमन्त्री केपी शर्मा ओलीले गरेको संसद विघठनको विरोधमा शुक्रबार दिउँसो प्रधानमन्त्री ओली र राष्ट्रपती विद्या देवी भण्डारीको पुत्ला जलाएको हो ।

जनता समाजवादीले नेपालको संविधानमा ब्यबस्था नै नभएको कानुन जबरजस्ती ढंगले प्रयोग गर्दै संसद विघटन गरेको भन्दै सदरमुकाम खाँदबारीमा जुलुस सहित प्रधानमन्त्री र राष्ट्रपतीको पुत्ला जलाएको हो । पुत्ला जलाएपछि खाँदबारीको देबकोटा चोकमा भएको कोणसभालाई जनता समाजवादी पार्टीका केन्द्रिय सदस्य राजेन्द्र किराँती, केन्द्रिय सदस्य तथा प्रदेश नं. १ का उपाध्यक्ष दिपक याख्या लगायतका नेताहरुले सम्बोधन गरेका थिए ।