चितवन । सामाजिक सञ्जाल फेसबुकमा (फेक) आइडी बनाइ अश्लील सामाग्री पठाउने चितवनका एक युवक पक्राउ परेका छन् । कसरा (नाम परिवर्तित) एक महिलालाई यौनजन्य, अश्लील सन्देश तथा तस्वीर पठाउने, यौन अश्लीलतायुक्त अनर्गल सामाग्री पोस्ट गरी अपमान गर्ने र हैरानी दिने जस्ता कार्यमा संलग्न रहेको आरोपमा चितवनको माडी नगरपालिका ६ कल्याणपुरका ३५ बर्षीया थम बहादुर बिश्वकर्मालाइ साइबर ब्यूरोले पक्राउ गरेको हो ।

उनलाइ जिल्ला प्रहरी कार्यालय चितवनको सहयोगमा चितवनबाट पक्राउ गरिएको ब्यूरोका प्रवक्ता एवं सुचना अधिकारी नविन्द्र अर्यालले जानकारी दिए । पक्राउ परेका बिश्वकर्मालाइ बिद्युतीय कारोबार ऐन २०६३ को दफा ४७ बमोजिमको कसुरमा पक्राउ गरिएको र उनी माथि ७ दिनको म्याद थप गरी अनुसन्धान गर्ने कार्य भइरहेको समेत ब्यूरोका प्रवक्ता अर्यालले जानकारी दिए । पीडित युवतीले उजुरी गरेको एक साताभित्रै फेसबुकसंगको समन्वयमा बिकलाइ आफूहरुले पक्राउ गर्न सफल भएको ब्यूरोले जनाएको छ ।

थप समाचार

प्रचण्डद्वारा तिलौराकोटको अवलोकन, बौद्ध पर्यटनको प्रवर्द्धनमा जोड

कक्षा १२ को परीक्षा सरेको छैन : परीक्षा बोर्ड

घाइते अवस्थामा थानकोट प्रहरी कार्यालयमा पुगे पुरूष

गृहमन्त्रीको चेतावनी- पूर्वराजाका नाममा संविधानलाई समाप्त पार्ने गतिविधि कुनै पनि…