संखुवासभामा कांग्रेसको सरकार विरुद्ध शक्ति प्रदर्शन (फोटो फिचर)

साझा पाना २०७७ मंसीर २९ गते १९:०० मा प्रकाशित

२९ मंसिर, संखुवासभा । नेपाली कांग्रेस जिल्ला कार्यसमिति संखुवासभाले सदरमुकाम खाँदबारीमा सोमबार सरकार विरुद्ध बृहत प्रदर्शन गरेको छ । नेपाली कांग्रेसले काठमाडौं सहित सबै जिल्ला र ठूला सहरहरुमा प्रदर्शन र आमसभा गरेको हो ।

संखुवासभा कांग्रेसले आयोजना गरेको जुलुस र सभामा नेता कार्यकर्ताको बाक्लो सहभागिता थियो । सदरमुकाम खाँदबारीको पार्टी कार्यालयको प्राङ्गणमा सभा गरेको थियो । जिल्लाका शिर्ष नेताहरु सहभागी भएको जुलुसले नगर प्ररिक्रमा गरि सभामा परिणत भएको थियो । उक्त सभालाई पूर्व खानेपानी राज्यमन्त्री दिपक खडका, पूर्व स्वास्थ राज्यमन्त्री तारामान गुरुङ र पार्सटी सभापति दीपन कुमार श्रेष्ठले सम्बोधन गर्नुभएको थियो ।

कांग्रेसले सोमबारको प्रदर्शनलाई शक्ति प्रदर्शनको अवसरको रुपमा समेत लिएको देखियो । सबैजसो कार्यक्रममा कांग्रेसको झण्डा र राष्ट्रिय झण्डासहित कांग्रेसका नेता कार्यकर्ता सहभागी भएका थिए । उनीहरुले सरकारविरुद्ध उत्तेजक नाराबाजीसमेत गरेका थिए ।