चितवन । बागमती प्रदेश ट्राफिक प्रहरी कार्यालय रामनगर चितवनले शनिबार साँझ दुई जना प्रहरी कर्मचारीलाई निलम्बन गरेको छ ।

प्रहरी स्रोतका अनुसार प्रदेश ट्राफिक प्रहरी कार्यालयबाट प्रहरी निरीक्षकको कमान्डमा खटिएको प्रहरीको टोलीले सवारी चालकहरुसँग आर्थिक लेनदेन गरिरहेको अवस्थामा जिल्ला ट्राफिक प्रहरी कार्यालय मकवानपुरमा कार्यारर्त प्रहरी जवानद्वय नविन कुमार परियार, लाल बहादुर चौधरीलाई निलम्बन गरिएको हो । त्यस्तै, प्रहरीको टोलीले अन्य दुई जना प्रहरी हवल्दारद्वयलाई भने स्पष्टिकरण सोधेको छ ।

आर्थिक लेनदेनमा प्रहरी कर्मचारीहरुको नाम जोडिन थालेपछि प्रदेश ट्राफिक प्रहरी प्रमुख एसपी शान्तिराज कोइरालाले प्रहरी कर्मचारीमाथि नै निगरानी सुरु गरेका छन् । जुन फलस्वरुप शनिबार दुई जना प्रहरी निलम्बनमा परेको घट्नाले समेत छर्लङ्ग बनाएको छ । आर्थिक लेनदेनमा शून्यसहनशीलता ल्याउने कार्ययोजना अनुसार विभिन्न दस जिल्लामा प्रदेश ट्राफिक प्रहरी कार्यालयले छुट्टाछुट्टै अनुगमन टोली समेत खटाउँदै आएको छ ।

थप समाचार

तारकेश्वरमा भौतिक पूर्वाधार मन्त्री अमन मास्केको पहलमा ५० करोडको १६…

५ वर्ष सामाजिक सुरक्षा भत्ता नबढाउन सुझाव, वृद्धभत्ताको उमेर बढाउन…

दुर्गा प्रसाईँले आत्मसमर्पण गरेको सचिवालयको भनाइ