निषेधाज्ञाको दोश्रो दिन, संखुवासभाको अधिकांस बजारहरु सुनसान ( फोटो फिचर )

कोभिड १९ संकट व्यवस्थापन समितिले संखुवासभामा ७ दिन निषेधाज्ञा जारी

साझा पाना २०७७ भदौ १४ गते १४:२८ मा प्रकाशित

कोभिड १९ संकट व्यवस्थापन समितिले संखुवासभामा ७ दिन निषेधाज्ञा जारी गरेको छ । शुक्रबार राति १२ बजेपछि भदौ १८ गतेसम्म पूर्ण निषेधाज्ञा जारी गरिएको प्रमुख जिल्ला अधिकारी जीवनप्रसाद आचार्यले बताउनुभयो । निषेधाज्ञा जारी गरेपछि जिल्लाको मुख्य बजारहरु खाँदबारी, चैनपुर मुडे शनिश्चरे, तुम्लिङटार र मानेभञ्ज्याङ बजार सुनसान देखिएको छ ।

निषेधाज्ञामा पूर्ण रुपमा सवारीसाधन बन्द, बजारबन्द, अत्यावश्यक बाहेक हिडडुल बन्द गरिएको छ । अत्यावश्यक सेवाका सवारी साधन भने चल्नेछ । सरकारी कार्यालय, सार्वजनिक संस्थाहरु सकभर विद्युतिय माध्यामबाट गर्न प्रशासनले आग्रह गरेको छ । साप्ताहिक हाटबजार पनि पूर्णरुपमा बन्द गरिएको छ ।

संखुवासभामा शनिबार आइसोलेसन तोडफोडको आरोपमा हिरासतमा बसिरहेका थप २ जनालाई पनि कोरोना संक्रमण देखिएपछि कोभिड १९ संकट व्यवस्थापन समितिले यस्तो निर्णय गरेको हो । यसअघि प्रशासनले १० दिन यो जिल्ला लकडाउन गरेको थियो ।